15:35
“Fasilədən, istirahətdən sonra görəcəyimiz çox yaxşı işlərimiz var. Oyunçular məsuliyyətlərini dərk etməlidirlər. Daha çox çalışmalıyıq, 3-cü və 4-cü dövrə daha çətin olacaq. Çempionatımızdakı rəqabətə, standartlara cavab verməliyik”.
Qol.az saytına açıqlamasında bu sözləri “Araz-Naxçıvan”ın baş məşqçisi Azər Bağırov deyib.
Artıq 2 gündür məşqləri bərpa edən Naxçıvan təmsilçisinin çalışdırıcısı yeni transferlər üzərində iş getdiyini bildirib: “Yeni transferlər üçün planlar var. Transferlər ediləcək. Bəzi yerli futbolçularla danışırıq. Onların arasında həm gənc, həm də təcrübəli oyunçular var. İstərdik ki, heyətimizi yerli futbolçularla zənginləşdirək. Bunun necə alınacağını zaman göstərəcək”.
A.Bağırov “Zirə”nin yarımmüdafiəçisi Rəhim Sadıxovla maraqlandıqlarını təsdiqləyib: “Bu gün Premyer Liqada olan bütün yerli futbolçularla maraqlanırıq. Burada tək Rəhimin adını xüsusilə qeyd etmək istəməzdim. Bütün yerli futbolçulara marağımız var. "Sabah", "Zirə", "Qarabağ"da daha az oyun keçirən yerli futbolçuları komandamızda görməz istərdik. Rəhim Sadıxov da həmin oyunçulardan biridir”.
O, bütün mövqeləri gücləndirmək istədiklərini vurğulayıb: “Sadəcə olaraq bugünkü imkanlar, klublardakı vəziyyət buna imkan vermir. Çalışırıq ki, bütün mövqelərdə yerli futbolçularla rəqabət olsun”.
Bağırov hələlik komandanı tərk edəcək futbolçular barədə məlumat vermək istəmədiyini söyləyib: “Yəqin ki, yerli futbolçuların transferindən sonra hər hansısa dəyişikliklər olacaq. Çünki standartlara cavab verən, oyun tərzimizə uyğun olan futbolçuları saxlayacağıq. Hər hansısa futbolçunu göndərməyəcəyik, sadəcə ola bilər ki, bəzilərini icarəyə verək”.
O, ehtiyatda qalan bosniyalı qapıçı Semir Bukviçlə vidalaşmaq istəmədiklərini qeyd edib: “Bukviçin komandadan ayrılmaq ehtimalı yoxdur. Hələ ki, yerli qapıçı yoxdur ki, Bukviçi əvəz etsin. Həm də Bukviç maddi baxımından yüksək ödənişli deyil, bu baxımdan bizə sərf edir. Odur ki, onunla davam edirik. Yerli qapıçı tapsaq, Bukviç öz ölkəsinə qayıdacaq”.
Mütəxəssis çempionatın ikinci yarısı üçün hədəflərini də açıqlayıb: “Çalışacağıq ki, 3 və 4-cü dövrədə daha sürətli, rəngarəng, çevik "Araz Naxçıvan" görəsiniz. Rəqiblər bizə qarşı daha ciddi hazırlaşır. Biz də öz oyun üslubumuzu, keyfiyyətimizi daha da yaxşılaşdırmalıyıq”.
Avrokuboklar uğrunda mübarizədə “Araz-Naxçıvan”ın rəqibləri olan “Səbail”, “Neftçi”, “Sabah”, “Sumqayıt” kimi klublar təlim-məşq toplanışı üçün Antalyaya yollansalar da, Azər Bağırovun komandası vətəndə qaldı. Mütəxəssis bu məqamın komandası üçün problem yaratmayacağına əmindir: “Bu barədə zərrə qədər də düşünmürük. Komandamız çempionata 10 gün qalmış yığıldı. Liqaya çox yaxşı başladıq. Fikrimcə, 18 oyunda cəmi 2 dəfə zəif matç keçirdik. Çalışacağıq ki, komandamız üçün daha yaxşısını edək”.
Musiala rekordçu oldu
Azərbaycan millisindən möhtəşəm qol - Video
"Qalatasaray" səfərdə məğlub oldu
"Ronaldo ilə eyni klubda oynamaq istəyərdim"
"Bavariya"nın futbolçusu sıradan çıxdı
Fofana meydan qovuldu, "Çelsi"nin antirekordu yeniləndi
Abubakar dubl etdi, "ağlar" qalib gəldi
Beş ildən sonra ilk qolunu vurdu
Qollarının ardı-arası kəsilmir - 6 matçda 9 dəfə
"Borussiya"dan "Real"a keçə bilər
"Yuventus"dan gözlənilməz məğlubiyyət
"Barselona" Reşfordu onunla əvəzləyə bilər
Baş məşqçi azarkeşlərin "istefa" şüarına reaksiya verdi
40 yaşlı futbolçudan yeni rekord
Azərbaycan millisi Belarus yığmasına qalib gəldi
Şahmat üzrə Azərbaycan çempionu bəlli oldu
Klub rəhbərliyi baş məşqçiyə konkret hədəf təyin etdi
Füzuli Məmmədov: “Sizinlə razı deyiləm”
Ərəblərdən "Barselona" futbolçusuna 40 milyonluq təklif var
Felipe Santosdan Yevlaxda 2 qol - Video
"Yaşlandıqca müdrikləşir, oyunu daha yaxşı anlayır"
"Araz-Naxçıvan" "Karvan-Yevlax"a qalib gəldi
Millimizin dünya çempionatı üçün heyəti
UEFA “Qarabağ”ı bu şüara görə cəzalandırdı
Tramp Ronaldoya: "Əşyalarını yığ, ABŞ-də bizə lazımsan"
