Avroliqada qrup mərhələsi yekunlaşdı

Bu gün Avropa Liqasında qrup mərhələsinin sonuncu - 6-cı turunun oyunları keçirilib.

QOL.az xəbər verir ki, 8 qrupda 16 matçın hamısı eyni gündə oynanılıb.

Azərbaycan təmsilçisi "Qarabağ" H qrupunda "Hekken"i (İsveç) qəbul edib və 2:1 hesabı ilə qalib gəlib. Ağdam klubu xallarının sayını 10-a çatdırıb və qrup 2-cisi kimi pley-offa adlayıb. "Qarabağ" Azərbaycan futbolu tarixində Avroliqanın pley-off mərhələsinə vəsiqə qazanan ilk komanda olub.

Qrup mərhələsində maksimum nəticə göstərən - 18 xal toplayan yeganə komanda "Bayer" olub.

Bugünkü oyunlardan sonra pley-offun son iştirakçılarının da adlarına aydınlıq gəlib. 

“Vest Hem”, “Brayton”, “Reyncers”, “Atalanta”, “Liverpul”, “Vilyarreal”, “Slaviya” (Praqa) və “Bayer” qrup lideri kimi 1/8 finalda çıxış edəcklər.

"Qarabağ"la yanaşı, “Frayburq”, “Marsel”, “Sparta” (Praqa), “Sportinq”, “Tuluza”, “Renn” və “Roma” da qrup 2-cisi kimi pley-offda mübarizə aparacaq.

Avropa Liqası, qrup mərhələsi, 6-cı tur

14 dekabr

A qrupu

“Vest Hem” (İngiltərə) - “Frayburq” (Almaniya) - 2:0

Qollar: M.Kudus, 14. E.Alvares, 42.

“Olimpiakos” (Yunanıstan) - “Baçka Topola” (Serbiya) - 5:2

Qollar: El Kaabi, 21. Podense, 40; 42. İliç, 46-avtoqol. Əl-Ərəbi, 68 – Cakovaç, 48. Çirkoviç, 61.

Xallar: "Vest Hem" – 15, "Frayburq" – 12. "Olimpiakos" – 7, "Baçka Topola" – 1.

B qrupu

“Ayaks” (Niderland) - AEK (Afina, Yunanıstan) - 3:1

Qollar: Akpom, 5; 56. Teylor, 20 – L.Qarsiya, 11.

“Brayton” (İngiltərə) - “Marsel” (Fransa) - 1:0

Qol: J.Pedro, 88.

Xallar: "Brayton" – 13, "Marsel" – 11, "Ayaks" – 5, AEK – 4.

C qrupu

“Betis” (İspaniya) - “Reyncers” (Şotlandiya) - 2:3

Qollar: Miranda, 14. A.Peres, 37 – Sima, 10. Dessers, 20. Ruf, 78.

“Aris” (Limasol, Kipr) - “Sparta” (Praqa, Çexiya) - 1:3

Qollar: Benqtsson, 84 – Kuçta, 4. Birmançeviç, 11; 45+1.

Xallar: "Reyncers" – 11, "Sparta" – 10, "Betis" – 9, "Aris" - 4.

D qrupu

“Rakuv” (Polşa) - “Atalanta” (İtaliya) - 0:4

Qollar: Muriel, 14; 72. Bonfanti, 26. De Ketelare, 90+2.

“Sportinq” (Portuqaliya) - “Şturm” (Avstriya) - 3:0

Qollar: Qyokeres, 39. İnasio, 60; 70.

Xallar: "Atalanta" – 14, "Sportinq" – 11, "Şturm" – 4, "Rakuv" – 4.

E qrupu

LASK (Avstriya) - “Tuluza” (Fransa) - 1:2

Qollar: Lyubiçiç, 61 – Dallinqa, 54. Suazo, 83.

“Yunion” (Belçika) - “Liverpul” (İngiltərə) - 2:1

Qollar: Amura, 32. Puertas, 43 – Kansa, 40.

Xallar: "Liverpul" – 12, "Tuluza" – 11, "Yunion" – 8. LASK – 3.

F qrupu

“Renn” (Fransa) - “Vilyarreal” (İspaniya) - 2:3

Qollar: Assinyon, 37 Blas, 79 – Moreno, 36. Akomaç, 62. Parexo, 80.

“Panatinaikos” (Yunanıstan) - “Makkabi” (Hayfa, İsrail) - 1:2

Qollar: İoannidis, 89 – David, 20. Çeri, 74.

Xallar: "Vilyarreal" – 13, "Renn" – 12, "Makkabi" – 5, "Panatinaikos" –  4.

G qrupu

“Slaviya” (Praqa, Çexiya) - “Servett” (İsveçrə) - 4:0

Qollar: Doudera, 15. Ştrans, 25. Xitil, 30; 45+1.

“Roma” (İtaliya) - “Şerif” (Moldova) - 3:0

Qollar: Lukaku, 11. Belotti, 32. Pisilli, 90+3.

Xallar: "Slaviya" – 15, "Roma" – 13, "Servett" – 5, "Şerif" – 1.

H qrupu

“Qarabağ” (Azərbaycan) - “Hakken” (İsveç) - 2:1

Qollar: L.Andrade, 1. Y.Benzya, 45+4 – B.Hüseynov, 90+4-avtoqol.

“Bayer” (Almaniya) - “Molde” (Norveç) 5:1

Qollar: P.Şik, 6. Tapsoba, 22. Ellinqsen, 25-avtoqol, Hlojek, 60; 70 – Kitolano, 75.

Xallar: "Bayer" – 18, "Qarabağ" – 10, "Molde" – 7, "Hekken" – 0.