Elxan Məmmədov uzun fasilədən sonra Azərbaycanda oyuna getdi - Şəkil

Elxan Məmmədov uzun fasilədən sonra Azərbaycanda oyuna getdi - Şəkil
ÖLKƏ FUTBOLU 9 Dekabr 2023 / 18:16 3876
-  A +

Misli Premyer Liqasının 16-cı turunda "Zirə" doğma meydanda "Araz-Naxçıvan"la qarşılaşır.

QOL.az xəbər verir ki, hazırda Bakıda səfərdə olan FİFA-nın baş katibi Fatma Samoura Zirəyə təşrif buyurub. FİFA rəsmisini AFFA-nın vitse-prezidenti, FİFA-nın Avropa Milli Assosiasiyalar üzrə direktoru Elxan Məmmədov müşayiət edir.

E.Məmmədovun bu oyunda iştirakı maraq doğurub. Məlumat üçün qeyd edək ki, onun FİFA-da direktor vəzifəsinə seçildiyi 2022-ci ilin aprelindən bəri Azərbaycan stadionlarında yerli matçları izlədiyinə dair rəsmi və qeyri-rəsmi məlumat olmayıb. Eləcə də həmin vaxtdan E.Məmmədov mili komandaların da oyununda görünməyib, AFFA-nın İcraiyyə Komitəsinin iclaslarına qatılmayıb.

Mətbuatda onun AFFA-ya martda keçiriləcək prezident seçkisində iştirak etmək istəyinə dair məlumat yayılıb.

Qeyd edək ki, görüşü stadiondan izləyənlər arasında AFFA prezidenti Rövnəq Abdullayev, Peşəkar Futbol Liqasının prezidenti Elxan Səmədov və “Zirə”nin İdarə Heyətinin sədri Orxan Məmmədov da var.

Daha çox


Son xəbərlər