"Turan Tovuz"un məqsədi Premyer Liqada möhkəmlənməkdir"

"Turan Tovuz"un məqsədi Premyer Liqada möhkəmlənməkdir"
ÖLKƏ FUTBOLU 27 Noyabr 2023 / 13:18 1512
-  A +

“Turan Tovuz”un baş məşqçisi Ayxan Abbasov komandasının ardıcıl 3 oyundur uduzmasından danışıb.

QOL.az-a açıqlamasında stabilliyinin çatmadığını etiraf edən mütəxəssis bunun müxtəlif səbəblərinin olduğunu bildirib:  

“Bilirik ki, stabil çıxış etmirik. Ümumiyyətlə, bu mövsüm çempionat gərgin keçir və rəqiblərdə də stabillik çatmır. Bəli, son qarşılaşmalar enişdə olduğumuzu göstərdi. Amma “Qəbələ” ilə matçdan əvvəlki görüşlərdə oyun planında rəqiblərdən geri qalmamışıq. Hətta üstün olduğumuzu deyə bilərəm. “Qəbələ” ilə oyunda isə bunu edə bilmədik. Səhvləri arada qaldırıb, gələcək oyunlarda xallarımızı artırmalıyıq. Bizim üçün hər xal qiymətlidir.

Enişdə olmağımız rəqiblərin güclənməsi, heyətimizlə bağlıdır. Müəyyən itkilərimiz oldu. Həm də turnir cədvəlində komandalar bir-birinə yaxındır. 1-2 qələbə və məğlubiyyət sıralanmada çox şeyi dəyişir”.

Baş məşqçi nəticələrlə bağlı klub rəhbərliyi ilə müzakirlərinin olduğunu da qeyd edib: “Klub rəhbərliyi bizimlə həmişə danışır: udanda da, uduzanda da. Mövsümün əvvəlində yuxarı pillələrdə olmuşuq. Amma bilirdik ki, hardasa bizə çətin olacaq. Biz çempionatın startında da planlarımızla bağlı danışanda demişdik ki, məqsəd Premyer Liqada möhkəmlənməkdir. Bunun da üzərində çalışırıq. Rəqiblərimiz də güclüdür. Bununla belə, təslim olmayacağıq. 1.2 qələbə hər şeyi dəyişə bilər”.

Qeyd edək ki, “Turan Tovuz” Misli Premyer Liqasında 14 turdan sonra 15 xalla 8-ci pillədə qərarlaşıb.

Daha çox


Son xəbərlər
01.03.24  13:35

Sarri qovulur?

01.03.24  10:25

ETOPAZ 12 yaşında