16:14
“Fikrimcə, komandamız bu günə qədər yaxşı mərhələ keçib. Komanda bütün oyunlarda tam gücünü qoyub, yaxşı keyfiyyət göstərib. Bu baxımdan çox yaxşı inkişaf etmişik. Amma fikrimcə, daha çox işləməliyik. Yalnız son oyunda qazandığımız nəticə barədə düşünməməliyik. Sabah da eyni uğuru təkrarlamağa çalışmalıyıq".
QOL.az xəbər verir ki, bu sözləri Azərbaycan millisinin baş məşqçisi Canni De Byazi Avro-2024-ün seçmə mərhələsində Belçika ilə oyun öncəsi keçirilən mətbuat konfransında deyib.
"Sabah güclü komandaya qarşı oynayacağıq. Domeniko Tedesko kimi yaxşı məşqçisi var. Fikrimcə, biz də oyunumuzu tapmışıq. Ötən dəfə də qeyd etmişdim ki, biz Avstriya və Belçikaya qarşı yaxşı oynamışdıq. Sadəcə, fərq onda oldu ki, həmin oyunlarda şanslarımızdan yararlana bilmədik. İsveçlə görüşdə isə bunu bacardıq.
Mənim yığmadakı taleyim sabahkı oyundan ibarətdir? Bu dəqiqə bu, məni maraqlandırmır. Ona görə də bu haqda danışmaq istəmirəm. Əsas problem ondadır ki, sabah bizim udmağımız və ya uduzmağımızla həll olunmur. Ramil Şeydayevin sabah hücumun sivri ucunda və ya digər mövqelərdə oynamasını isə sabah oyun zamanı görəcəyik” - deyə o vurğulayıb.
O, Qazaxıstanın Sloveniyanı məğlub etməsi durumunda AÇ-2024-də pley-off şanslarının yaranmasına da münasibət bildirib: “Biz əlimizdən gələni etməliyik. Çətin məsələdir, amma həyatda hər şey mümkündür”.
De Byazi sabah yenidən Belçikaya qarşı çətin anlar yaşatmaq üçün nələr etmək lazım olması barədə bunları deyib: “Yenə eyni intensivliklə oynamalıyıq. İlk oyunda taktiki baxımdan necə oynamışdıqsa, elə oyun göstərməliyik. Təbii ki, öz imkanlarımızdan yararlanmalıyıq. Birinci oyunda bu alınmadı. 6-cı dəqiqədə çox yaxşı qol şansımız var idi, dəyərləndirə bilmədik. Bu gün səhər uşaqlarla bu oyuna baxmışıq, hər şeyi onlara söyləmişəm. Rəqibdən çəkinməmişdik. Sabah da eyni ruhda mübarizə aparmaq lazımdır”.
İtaliyalı mütəxəssis son mətbuat konfranslarının hamısına kapitan Emin Mahmudovu gətirməsinə də münasibət bildirib: “Bütün milli komandalarda baş məşqçinin yanında adətən kapitanılar danışır. Fikrimcə, burada qeyri-adi, anormal bir şey yoxdur. Emin millinin kapitanıdır. Ondan hər dəfə xahiş edəndə, razılıq verir, sağ olsun. Sadəcə, ola bilər ki eyni şeyləri təkrarlamaqdan yorulur”.
P.S. Jurnalistlərin Belçikaya ezamiyyəti Etopaz-ın dəstəyi ilə həyata keçirilib.
Qattuzo üzr istədi
Pike "Barselona" prezidentliyinə namizəd olacaq?
“Heç-heçə ədalətli nəticədir” - Rəşad Eyyubov
Türkiyə - Kosovo matçının heyətləri açıqlandı
"Qalatasaray"lı futbolçu "Milan"ın hədəfində
Marko Yankoviçin yığması uduzdu
Azərbaycan millisi Bolqarıstanla heç-heçəyə razılaşdı
“Nyukasl” sanksiyalarla üzləşə bilər
Klub borcları ödəmədi, transfer qadağası ilə üzləşdi
"Tottenhem" yeni baş məşqçisini açıqladı
Ronaldo onu razı salmağa çalışır
Millimizin Bolqarıstan ilə oyun üçün heyəti
İran Dünya çempionatında iştirak edəcək
Davranışına görə komandadan uzaqlaşdırıldı
Məşqlərə qoşulmadığı üçün klubdan göndərilə bilər
"Fənərbaxça"nın prezidenti qəzaya düşdü - Şəkil
Konate "Real"dan təklif gözləyir
Azərbaycanın basketbol millisinin rəqibləri açıqlandı
Azərbaycan millisi Türkiyə yığması ilə birgə
Eddi Hau büdcə məhdudiyyətinə görə "Nyukasl"dan ayrıla bilər
Foden "Bavariya"nın radarında
"Milan" hücumçu transfer etdi
Mbappe basketbolçu olmaq istədi, NBA-dan bu cavabı aldı
AÇ: Azərbaycan millisinin oyunlarının vaxtı açıqlandı
