20:50
Ukrayna "Şaxtyor"unun (U-19) futbolçusu Aleksandr Rosputko komandasının düşərgəsini özbaşına tərk edib.
Qol.az xəbər verir ki, bu barədə Rusiya və Ukraynanın bir neçə saytı məlumat yayıb. O, UEFA Gənclər Liqasında "Antverpen"ə (Belçika) qalib gəldikləri (2:1) matçdan sonra Ukraynaya qayıtmayıb. Bildirilib ki, Belçikadan Ukraynaya yola düşən komandanın üzvləri arasında Aleksandr Rosputko olmayıb. Məlumata görə, bu günlərdə 19 yaşlı dayaq yarımmüdafiəçisi klubu ilə 5 illik müqavilə imzalamaqla bağlı razılığa gəlib. Odur ki, onun nəyə görə Ukraynaya qayıtmaması suallar yaradıb.
Ukrayna mediasının yazdığına görə, Rosputko Belçikadan Rusiyaya yollanıb. Hələlik bu məlumat rəsmən təsdiqini tapmayıb. Lakin bildirilir ki, futbolçu klub nümayəndələrinin, komanda yoldaşlarının telefon zənglərinə cavab vermir. Belçikadakı matçdan sonra o, sosial şəbəkədəki səhifələrini də silib.
Qeyd edək ki, Rosputko Ukraynanın U-19 komandasının da üzvüdür. Onun ukraynalıların düşmən hesab etdikləri ölkə - Rusiyaya getməsi barədə xəbər vətənində narazılığa səbəb olub.
Tite istefaya göndərildi
Musa “100”ə çatdı
Yubiley matçında komandası uduzdu
"Fənərbaxça"nın futbolçusu "Atletiko"nun hədəfində
Fernandeş Bekhemin rekordunu qırdı
"Neftçi" "Qəbələ"ni belə məğlub etdi - Video
Mahir sevindi, tribunalar “Emreli” dedi - Video
"Barselona" "Sevilya"nı darmadağın etdi
Yamal niyə ehtiyatda qaldı?
Kazemiro başladı, Şeşko bitirdi
