İbrahimoviç karyerasını başa vurdu

İbrahimoviç karyerasını başa vurdu
DÜNYA FUTBOLU 5 İyun 2023 / 01:43 2924
-  A +

"Milan"ın futbolçusu Zlatan İbrahimoviç karyerasını başa vurub.

Qol.az xəbər verir ki, bu barədə 41 yaşlı hücumçu A seriyasının sonuncu turunda "Verona" ilə görüşdən (3:1) sonra bildirib: “Nəfəs almaq mənim üçün çətindir, amma hər şey yaxşıdır. "San Siro"da o qədər xatirələr var ki... Əvvəlcə o, mənə sevgi, sonra isə xoşbəxtlik bəxş etdi.

Ailəmə səbrlərinə görə təşəkkür edirəm. İkinci ailəmə - futbolçulara, məşqçiyə, heyətə, menecerlərə təşəkkür edirəm. Nəhayət, sizə, azarkeşlərə ürəkdən təşəkkür etmək istəyirəm.

Futbolla vidalaşmağın vaxtıdır".

Qeyd edək ki, İbrahimoviç 2022/2023 mövsümündə  "Milan"ın heyətində bütün yarışlarda 4 matça çıxıb ə 1 qol vurub. Son vaxtlar isveçli hücumçunun "Monza" ilə müqavilə imzalamağa yaxın olduğu haqda xəbərlər yayılmışdı.

İsveç millisinin sabiq üzvü “Barselona”, “Yuventus”, “İnter”, PSJ, “Mançester Yunayted” və “Los Anceles Qalaksi” klublarında da oynayıb.


Son xəbərlər
01.05.24  13:09

Qvardiola peşmandır