"Final oyunudur. Çox çətin görüş olacaq. Hər iki komanda kuboku qazanmaq üçün motivasiyalıdır".
Qol.az xəbər verir ki, bu sözləri "Neftçi"nin baş məşqçisi Laurentsiu Regekampf Azərbaycan kubokunun finalında sabah "Qəbələ"yə qarşı keçirəcəkləri matçdan öncə təşkil olunan mətbuat konfransında deyib.
O, rəqibin yaxşı komanda olduğunu bildirib: "Qəbələ" yaxşı komandadır. Onlara hörmətlə yanaşmalıyıq. Finala qədər gəldikləri yola nəzər yetirməliyik. "Qəbələ" çox yaxşı komandalara qalib gələrək finala çıxıb. Döyüş ruhu çox olan final matçına hazır olmalıyıq. Sabahkı oyunda qalib gəlmək üçün hər şey edəcəyik. Əlimizdə olan şansdan yararlanmağa çalışacağıq ki, kuboku qazanaq. Oyuna hazırıq. Şanslar 50/50-dir".
Mütəxəssis penaltilər seriyasına da hazır olduqlarını deyib: "Buna hazırıq. Hər şey mümkündür. Bayaq dedim ki, sabah sona qədər döyüşməyə hazırıq".
"Büdcə və oyunçuların keyfiyyəti, baş məşqçinin təcrübəsi baxımından sizcə, "Neftçi"nin şansları daha çox deyilmi" sualına Regekampf bu ür cavab verib: "Çalışacağam ki, nəzakətli cavablar verim. Bu cür oyunlarda baş məşqçilərin təcrübəsini müqayisəsini aparmaq doğru deyil. "Sevilya" ilə "Roma" arasında keçirilmiş Avropa Liqası finalına baxın. Əgər baş məqşçi təcrübəsini müqayisə ediriksə, oyundan əvvəl kuboku Joze Mourinyoya verməli idik. Çünki, təcrübəsi çoxdur. Baş məşqçi olaraq ən yaxşısını edirik ki, oyunçuları hazırlayaq. Bəli, finaldır. Şanslar bərabərdir. Çalışacağıq ki, bu oyunda qələbə qazanaq. Biz hansı klubu təmsil etdiyimizi bilirik. Bunu qürur hissi ilə etməliyik. Sabah klubumuzu yaxşı tərəfdən təmsil etməli, döyüşməli, qaçmalıyıq. Çünki bu, güclü, böyük addır. Burada "Neftçi" haqda danışıram. Hər bir oyunçu meydana daxil olanda dərk edir ki, klubun anlamı nədir. Finalda çoxlu hisslər var. Əminliklə deyə bilərəm ki, hər iki komanda ən yaxşısını edəcək".
"Mourinyo indiyə qədər neçə titul qazanıb? Ən çox titul qazanan məşqçi kimdir? Mən deyə bilərəm, Aleks Ferqyussondur. 49 titulu var və ilk 4-5-likdə Mourinyo gedir. Səhv etmirəmsə, Mourinyo ilk dəfə idi ki, finalda uduzurdu. Hazırda dünyanın ən yaxşılarından biridir. Məşqçinin CV-si o qədər də vacib deyil. Sabah kubokun finalıdır. Ən yaxşısını etməyə çalışırıq. Aktyorlar oyunçulardır. Onlar meydana daxil olurlar, hissləri var, səhv edə bilərlər. Robotlarla yox, insanlarla çalışırıq" - deyə mütəxəssis əlavə edib.
"Neftçi" ən köklü klublardan biridir. Sabah uğursuzluq baş versə, sizin istefanızla nəticələnə bilərmi" sualını belə cavablandırıb: "Bu suala cavab verməli deyiləm. Çox sevinirəm ki, oyunçularımla bərabər finala gəlib çıxmışıq. Bundan qürurlanmalıyıq. Bu, o deməkdir ki, özümüz və komandamız üçün yaxşı nəsə əldə etmişik. Buradan getməyim və qalmağımla bağlı heç bir problem yoxdur. Hər gün eyni inamla çalışıram. "Neftçi" üçün nələr edə biləcəyimi, səviyyəmin necə olduğunu bilirəm. Peşəkar məşqçiyəm. Müqaviləyə imza atanda bilirdim ki, risklər haradadır. İnanın ki, hər gün bu hiss ola-ola işləyə bilmərəm. Əldə etdiklərimə görə məmnunam".
Qeyd edək ki, sabah "Bakcell Arena"da keçiriləcək "Neftçi" - "Qəbələ" oyunu saat 20:00-da başlayacaq.
Reşford yenidən "Barselona" ilə danışıqlara başladı
"Difai"dən əzmkar qələbə - Video
Region Liqasında yarımfinalın cütləri müəyyənləşdi
"Qəbələ" üç xalı üç qolla qazandı - Video
Yamal, Sommer, Hakimi... - Həftənin rəmzi komandası
Bekhem və Nevill İngiltərə klubunu aldılar
"Liverpul" onu kimlə əvəz edəcək?
"Qəbələ" və "Difai"dən qələbə
"Yuventus" onu birdəfəlik alır
AFFA rəhbərliyi 1-ci liqa oyununda - Şəkil
"Tottenhem"in kapitanı bugünkü matçda oynamayacaq
Avroliqanın oyunlarını yayımlayacaq kanallar
"El-Klassiko"nun baş hakimi məlum oldu
Azərbaycanı Avropa Kubokunda 19 cüdoçu təmsil edəcək
Mahir Emreli ilə hansı liqa komandaları maraqlanır?
"Konfrans Liqasını qazanmalıyıq" - "Çelsi"nin baş məşqçisi
Misli Premyer Liqasında buhəftəki oyunların hakimləri
Bölgə klubunun futbolçusu cəzalandırıldı
PSJ bunu bacaran ilk Fransa klubu oldu
Yan Sommer Əşrəf Hakimiyə qarşı
Ertoğrul Sağlam Azərbaycandan təklif aldığını açıqladı
"Qarabağ" ÇL-də mübarizəyə 2-ci mərhələdən başlayacaq
"Arsenal" PSJ-dən üstün idi" - Arteta
Enrikedən qələbə şərhi
Parisdəki mükəmməl qollar, əla seyvlər - Video
Laporta hakimləri günahlandırdı
PSJ Çempionlar Liqasının finalında!
"Əl-Nəsr" "Əl-İttihad"a uduzdu
Azərbaycan güləşçilərindən daha 2 medal
"Barselona"da ayrılıq olacaq
Ranyerini mövsümün ən yaxşısı seçdilər
Azərbaycanı "Böyük Dəbilqə"də 3 cüdoçu təmsil edəcək
İmişlidə 3 qol, 2 "qırmızı" - Video
"Barselona" 25 illik antirekordu yenilədi
"Premyer Liqa tarixində ən bərbad komanda ola bilərik"
"Haypers Quba"dan qələbə, "Dinamo" uduzdu
"Fiorentina" baş məşqçi ilə müqaviləni uzatdı
"Real" "Barselona"dan nəyin qisasını almaq istəyir?
Pedri: "UEFA onun barəsində ölçü götürməlidir"
"Real" azarkeşləri "İnter"ə belə təşəkkür etdilər - Şəkillər
"Şamaxı" Azərbaycan klubları arasında birinci oldu