18:22
Misli Premyer Liqasının 8-ci turunda “Qarabağ” “Neftçi”ni qəbul edəcək. Oyun oktyabrın 1-i "Azersun Arena"da keçiriləcək və saat 18:00-da başlanacaq. Mövsümün ilk Azərbaycan derbisi ilə bağlı “Neftçi”nin sabiq futbolçusu Yunis Hüseynovun fikirlərini öyrəndik.
O, Qol.az-a açıqlamasında “Qarabağ”ın favorit olduğunu, ancaq “Neftçi”nin qalib gəlməsini istədiyini bildirdi:
“Hər iki komandaya uğurlar arzu edirəm. Hazırda “Qarabağ” yüksəlişdədir. Avroliqada və çempionatda yaxşı oyunlar göstərir. Bir nüans var ki, “Qarabağ”ın 9 futbolçusu milli komandalara getmişdi. Buna görə bir balaca yorğunluq ola bilər. Amma “Qarabağ”ın heyəti həddindən artıq güclüdür. Builki “Qarabağ” lap güclüdür.
Yunis Hüseynov
“Neftçi”də isə stabillik olmasa da, fərdi ustalığı güclü olan futbolçuların sayəsində komanda qalib gələ bilir. Kollektiv oyunda isə irəliləyiş görmürəm. Mən istəyərəm ki, “Neftçi” qalib gəlsin. Ömrümün yarısı “Neftçi”də keçib. Ona görə də bu komandanı dəstəkləyirəm. Mövsümdə ilk derbi oyunudur, yəqin ki, yaxşı matç izləyəcəyik. “Neftçi”nin əsas gücü “Qarabağ”la oyunda görünəcək. Favorit kimi “Qarabağ”ı görürəm”.
Y.Hüseynov “Qarabağ”ın oktyabr ayında 8 oyun keçirəcəyinin də komandaya təsir etməyəcəyini bildirib: “Dəfələrlə olub ki, “Qarabağ”ın avrokuboklarda oynayan futbolçuları meydana çıxmasa da, komanda qalib gəlib, yenə də eyni oyunu nümayiş etdiriblər. Yəni aparıcı futbolçuların yeri görünməyib. Düzdür, sıx qrafikə görə “Qarabağ”a çətinlik çəkəcək, amma məncə, onun da öhdəsindən gələcəklər”.
Ramiq Ağaməmmədov
_22.01.19.jpg)
Mourinyo cəzalandırıldı
"Qarabağ" Norveçdə vacib qələbə qazandı
"İnter"də yeni müqavilə
Morata xəstəxanaya çatdırıldı
Flik Kundedən razıdır
"Karvan"ın bu mövsümdəki ilk məğlubiyyətindən - Video
ÇL-də həftənin ən yaxşısı seçildi
