“Həqiqətən də çox maraqlı bir oyun izlədik. “Ferentsvaroş”, “Sürix”dən fərqli olaraq “Viktoriya” “Qarabağ”a qarşı fərqli çıxış etdi. 2-ci nömrə ilə oynadılar. Bəzən mərkəzdə “Qarabağ”ın topu özündə saxlamağı bacaran futbolçularına qarşı birəbir mübarizə aparırdılar”.
Bu sözləri Qol.az saytına açıqlamasında futbol mütəxəssisi Aslan Kərimov deyib. O, “Qarabağ”ın Çempionlar Liqasının pley-off mərhələsində Çexiya “Viktoriya”sı (Plzen) ilə Bakıda qolsuz heç-heçə etdiyi ilk oyun barədə fikirlərini bölüşüb:
“Qarabağ”ın çoxlu qol şansları oldu. Sadəcə yararlana bilmədilər. Bunu da bir idman xoşbəxtliyi adlandırmaq olar (gülür). “Viktoriya” güclü əks-hücumlar qururdu. Çünki belə komanda qol vurmaq üçün daha çox əks-hücumlara bel bağlayır. Standart vəziyyətlərdə də özlərini yaxşı tərəfdən göstərirdilər. Bunu deyə bilərəm ki, “Qarabağ”ın indiyədək qarşılaşdığı rəqiblər arasında standart vəziyyətlər zamanı ən çox çətinlik yaradan “Viktoriya” oldu. 2-3 künc zərbəsi oldu, hamısında demək olar ki, futbolçular topları qapının içindən çıxarırdılar. Bu baxımdan rəqibin üstün və zəif tərəflərini də görə bildik. Rəqibin qapıçı Yindrjix Stanek də çox möhtəşəm oyun nümayiş etdirmədi. Sözsüz ki, çox soyuqqanlı idi. Amma sırf “9-luq”a vurulan zərbələri seyv etmədi də. Sadəcə olaraq bizim futbolçularımızın zərbələri o qədər də keyfiyyətli, dəqiq alınmadı. Düz qapıçının üzərinə gedən toplar var idi. Belə baxanda qapıçının bir balaca möhtəşəm oyununu görmək olur. Amma ümilikdə desək, futbolçu qapıçı ilə təkbətək çıxanda gərək o qolu vursun. Yəni, burada qapıçılıq bir şey yox idi. Bu, futbolçunun ustalıq səviyyəsindən asılıdır”.
Kərimov vurğulayıb ki, bu komanda ilə səfərdəki cavab görüşü Ağdam təmsilçisi üçün daha rahat keçə bilər:
“Viktoriya” ilə cavab görüşü ən azı qol vurmaq baxımından Bakıdakı oyundan daha rahat keçə bilər. Çünki “Viktoriya” dünənki matçın 70-80 faizini öz qapısının yanında kompakt müdafiə olunaraq keçirdi. Rəqib cavab matçında öndə oynamaq məcburiyyətində olacaq. Çünki doğma meydanda çıxış edirlər, daha açıq oynamalıdırlar. Belə olan halda isə əminəm ki, qol şanslarımız Bakıdakından daha çox yaranacaq. Mərhələni keçən tərəf də “Qarabağ” olacaq. Mən şansları faiz nisbəti ilə 65-35 kimi “Qarabağ”ın xeyrinə qiymətləndirirəm. “Ferentsvaroş”la matçı 60-40-a dəyərləndirmək olardısa, “Viktoriya” ilə görüşdə şanslar daha çoxdur”.
Qeyd edək ki, “Qarabağ”la “Viktoriya” arasında avqustun 23-ü Çexiyada keçiriləcək cavab görüşü Bakı vaxtı ilə saat 23:00-da başlayacaq.
Nur Zeynalova
26 oyunda 31 qol - Video
Qrizmann qayıtdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı
AFFA məşqçini futboldan uzaqlaşdırıb
"Şəmkir"in futbolçusundan gözəl qol - Video
ABŞ klubu Jiru ilə razılıq əldə etdi
1-ci liqada 20-ci turun oyunlarının saatı bilindi
PFL 35 oyunun vaxtını açıqladı
4-cü Avropa Oyunları bu şəhərdə keçiriləcək
Pele və Ronaldonu geridə qoydu
Gürcüstan, vicdan və imtahan...
Baş nazir milliinin üzvlərinə orden veriləcəyini açıqladı
"Səbail"in futbolçusu oynadı, milli komandası qalib gəldi
Ronaldo 2,2 milyon dollarlıq "Ferrari"si ilə - Video