"Qarabağ" bunu Bakıda sübut etdi"

"Qarabağ" bunu Bakıda sübut etdi"
XƏBƏR 6 Avqust 2022 / 13:40 4816
-  A +

"Ferentsvaroş"un (Macarıstan) futbolçusu Eldar Çiviç Çempionlar Liqasının 3-cü təsnifat mərhələsində "Qarabağ"la Bakıda heç-heçə etdikləri ilk matç (1:1) barədə danışıb. 

Qol.az xəbər verir ki, o, yerli mətbuata açıqlamasında Ağdam təmsilçisinin sürətli oyunçularının olduğunu deyib: 

"Cavab görüşündə rəqibin zəhərli dişlərini qırmalıyıq. Rəqibin orta həddən yuxarı sürətdə olan hücumçu və vingerlərinin olduğunu bilirdik. Onlar bunu Bakıda sübut etdilər. Həmin futbolçuları saxlamaq çətin idi. Topu itirdikləri vaxt ağıllı çıxış etməyimiz lazım gəlirdi. Budapeştdə rəqibin entuziazmını tez söndürmək vacib olacaq. Onların sürət götürmələrinə mane olmalıyıq. Xoş haldır ki, bütün biletlər saniyələr ərzində satılıb. Bu, şiddətli revanş matçı olacaq. Yəqin ki, xırda məqamlar irəli gedib-getməyəcəyimizi həll edəcək. Lakin biz matça bütün varlığımızla köklənməkdəyik. 

Futbolçu ilk oyundakı hava şəraitindən şikayətlənib: "Bakıda cəhənnəm idi. Qızmar havada oynadıq. Hələ matç öncəsi isinmə hərəkətlərinə çıxarkən, qeyri-adi görüş olacağını hiss etmişdim. Boğucu istidə köynəyimizin önünü açmalı olduq. Oyunun sonlarında həmişəkindən də çox yorulmuşduq. Belə təsəvvür edə bilərəm: Sanki bizi metal kağızdan çadıra salmışdılar. Nəfəs almaq çətin idi. Bununla belə, layiqli qiymətimizi vermək lazımdır. Çətin şərtlərə rəğmən, tam gücümüzü ortaya qoyduq, mübarizə apardıq və hesabda önə keçdik. Sonradan qol buraxsaq da, səfərdə 1:1 hesablı nəticə normaldır. Əlbəttə, qalib gəlmək də pis olmazdı. Buna imkanımız da var idi. Lakin ümumilikdə heç-heçədən narazı ola bilmərik. Axı, "Qarabağ" öz meydanında 30 000-dək azarkeş önündə oynayırdı. Azarkeş dəstəyinin nə qədər müsbət amil olduğunu biz gözəl anlayırıq".

Qeyd edək ki, avqustun 9-da "Qroupama Arena"da oynanılacaq "Ferentsvaroş" - “Qarabağ” cavab görüşü Bakı vaxtı ilə saat 22:00-da başlayacaq.

Daha çox


Son xəbərlər