“Dövlətin ayırdığı büdcə klublar arasında ədalətli bölünməlidir” – Elvin Məmmədov

“Dövlətin ayırdığı büdcə klublar arasında ədalətli bölünməlidir” – Elvin Məmmədov
MÜSAHİBƏ 23 May 2022 / 15:24 2853
-  A +

Milli komandamızın sabiq üzvü, son mövsümü “Sumqayıt”da keçirən  Elvin Məmmədovun Qol.az saytına müsahibəsi

- Elvin, uzun müddətdir ki, mətbuatda görünmürsən. Özün danışmq istəmirsən, yoxsa yada salan azdır?

- Yox, sağolsunlar yada salanlar var. Sadəcə,həm özüm çox oynamıram, həm də komandamız hər oyun uduzurdu. Ona görə də xahiş edirdim ki, danışmayım. Uduzan komandanın futbolçusu nə danışsın ki? Həvəs olmurdu danışmağa. Nə qədər deyəsən ki, yaxşı olacaq.

- “Sumqayıt” Premyer Liqanı 6-cı pillədə başa vurdu. Mövsümü necə dəyərləndirərdin? 

- Təbii ki, mövsüm bizim üçün yaxşı keçmədi. Həm çempionatda, həm də kubokda uğursuzluqlarımız oldu. Son dövrədə a daha çox uduzduq. Baş məşqçimiz dəyişdi. Yeni məşqçiyə vaxt lazım olur. Ona görə də bu mövsüm bizim üçün yaxşı olmadı. Yalnız mövsümün son 2-3 matçını yaxşı oynadıq. 

- Bu mövsüm çox az oynadın. Bunun səbəbini nədə görürsən?

- Mən bəhanə axtarmaq istəmirəm. Həmişə düzünü demişəm. Baş məşqçimiz də də təsdiqləyər ki, maksimum şəkildə məşqlərimi edirdim.  Məşqçi şans vermirsə, bu başqa məsələ. Ola bilər ki, onun sisteminə, yaxud da taktiki gedişinə uyğun gəlmirəm. Sağolsun, bir neçə oyunda məni meydana buraxdı. Mən yenə də kimdəsə günah görmürəm. Oynamırsansa, deməli, günah səndədir.

- “Sumqayıt”la müqavilən başa çatıb. Klub yeni müqavilə ilə bağlı danışıb səninlə?

- Danışıq olub. Çempionat yenicə başa çatıb. Yəqin ki, yaxın günlərdə hər şeyə aydınlıq gələcək.

- Bu barədə öz fikrin nədir?

- Qala da bilərəm, gedə də bilərəm. Onların təklifindən asılıdır. 

- Yeni mövsümdən Premyer Liqada iştirak edəcək “Turan Tovuz”a keçəcəyin haqda da xəbərlər var idi.

- Bir tovuzlu olaraq klubun Premyer Liqaya qayıtmasına çox sevindim. Mənim ora gedib-getməməyimdən asılı olmayaraq, çox sevindirci məqamdır. Mən də o məktəbdən çıxmışam. İllərdir ki, bunu gözləyən futbolçular var idi ki, biri də mənəm. Mənim məsələmə gələndə, bəli, həm klubun icraçı direktoru Nadir Nəbiyevlə, həm də baş məşqçi Ayxan Abbasovla danışığmız olub. Yaxın 2-3 gün ərzində məsələ həllini tapacaq. 10 gün bundan əvvələ qədər nəyin necə olacağı bilnmirdi. Tovuzlu azarkeşlər bizə zəng edirdilər ki, burdasız? Mən də deyirdim ki, məşqçisi bəlli olmayan komandaya səni kim apara bilər? Bəlkə, elə birməşqçi gələcək ki, məni istəməyəcək. Ancaq təsdiqlənəndən sonra sağolsunlar, mənimlə də danışıdılar. 

- Həm “Sumqayıt”ın, həm də “Turan Tovuz”un səninlə danışdığını dedin. Seçimin hansı olacaq? 

- Mən tovuzluyam, əgər danışığmız alınsa, niyə də olmasın? Canla-başla “Turan Tovuz”da oynamağa hazıram. 

- “Turan Tovuz”un büdcəsi zəifdir. Klub az maaş təklif etsə, bu komandada oynayarsan?

- Maaş az da ola bilər. Bir tovuzlu kimi Nadir müəllim məni yaxşı tanıyır, mən də onu. Səmimiyyətimə şübhə etmirlər. Çox güman ki, maaş məsələsi az rol oynayacaq. Amma yenə deyirəm ki, məsələ tam həll olunmayıb. Hər şey ola bilər.

- “Turan Tovuz”dan büdcə məsələsinə görə dəfələrlə  imkanlı şəxslərə müraciət olunub. AFFA isə 500 min manat ayırır.  Səncə, kluba kim dəstək olmalıdır?

- Şəxsi fikrimi deyə bilərəm. Əlbəttə ki, 500 minlə komanda saxlamaq qeyri-mümkündür. Amma dövlət büdcəsindən ayrılan pullar var. Bunu elə tənzimləmək olar ki, klublar arasında ədaləli şəkildə bölünsün. Bu gün öz gücünə ayaqda duran klublar var. Məsələn, “Qarabağ”.  Onlar UEFA-dan gələn gəlirlərlə komandanı saxlaya bilər. Belə klubların AFFA-nın 200 mininə ehtiyacı yoxdur. Səhv etnirəmsə, Premyer Liqa üçün bank təminatı 1.5 milyon manatdır. Bunu təmin edib sonra imkanlı şəxslərdən kömək istəmək olar. Qənirə Paşayevanın, başqa iş admlarının adı çəkilir. İnanıram ki, onlar dəstəyini göstərəcək. Amma ən birinci bank təminatı, yaxşı sponsor olmadan Premyer Liqaya çıxmaq asan deyil. Bu dəqiqə pul futbolda çox şeydir.

Ramiq Ağaməmmədov 

Daha çox


Son xəbərlər
30.06.22  13:30

Valverdenin yeni klubu