“Bursaspor” Namik Ələskərovla müqaviləni ləğv edir - Rəsmi

“Bursaspor” Namik Ələskərovla müqaviləni ləğv edir - Rəsmi
ÖLKƏ FUTBOLU 16 May 2022 / 15:48 5898
-  A +

Türkiyənin “Bursaspor” klubu millimizin üzvü Namik Ələskərovla müqaviləyə xitam verəcək.

Qol.az xəbər verir ki, bunu Bursa təmsilçisinin prezidenti Ömər Furkan Banaz bugünkü mətbuat konfransında açıqlayıb.

O, komandanın 1-ci liqanı tərk etməsinə görə əcnəbi futbolçularının hamısı ilə yollarını ayıracaqlarını bildirib: “Müqaviləsi davam edən 7 əcnəbimiz var. İki gün ərzində bu məsələni müzakirə edəcəyik. “Bursaspor”un mənafeyinə uyğun ən yaxşı şəkildə onlarla müqavilələri ləğv edəcəyik”.

Mövsümün sona bir tur qalmış “Bursaspor”un aşağı liqaya düşməsi rəsmiləşib. Reqlamentə görə, 2-ci liqada əcnəbi futbolçu oynaya bilməz. Buna görə də Namikin "Bursaspor"dan ayrılacağı dəqiq idi.

Qeyd edək ki, ötən ildən "Bursaspor"da çıxış edən Namik 1-ci liqada 32 oyuna 6 qol, 6 qol ötürməsi ilə yadda qalıb. Onun Bursa təmsilçisi ilə 2023-cü ilin yayına qədər müqaviləsi var.

Daha çox


Son xəbərlər