“Pankartdakı dollar işarəsinə görə cəza düşür” - AFFA-dan açıqlama

“Pankartdakı dollar işarəsinə görə cəza düşür” - AFFA-dan açıqlama
ÖLKƏ FUTBOLU 17 Aprel 2022 / 13:25 3910
-  A +

Xəbər verdiyimiz kimi, AFFA İntizam Komitəsi "Kəpəz"i cəzalandırıb. 

Gəncəlilər 1-ci divizionun 21-ci turunun səfərdə "Turan Tovuz"la reallaşan oyununda icazəsiz pankart açıblar. Bu səbəbdən də qurum onları 160 manat cərimələyib. 

Pankarta görə klub nə vaxtdan cəzalandırılır? Həmçinin burda hansısa təhqiredici ifadə, söz yoxdur. Fanatlar sivil şəkildə Yaşar Vahabzadəyə etirazlarını bildiriblər. Nə üçün "Kəpəz" azarkeşlərinə görə cərimələnib? 

AFFA İntizam Komitəsinin rəhbəri Erkin Hüseynov bununla əlaqədar “Futbol+” qəzetinin sualını cavablandırıb. O deyib:

"Azərbaycan Premyer Liqasının, kubokunun, 1-ci divizionunun Əsasnaməsinin 29.30-cu maddəsinə görə, azarkeşlər görüş əsnasında plakat qaldırmaq istəyirlərsə, oyunöncəsi, fasilədə, matçdan sonra görüləcək tədbirlərlə bağlı PFL-ə müraciət etməlidir. Bir də Azərbaycan əlifbasında ş hərfi var. Həmin pankartdakı isə dollar işarəsidir. Ümumiyyətlə, buna görə də cəza düşür".

Erkin Hüseynov "dəfələrlə olub ki, hansısa klubun əcnəbi və ya yerli azarkeşləri fərqli dillərdə normal plakatlar açıblar. Onlar nə üçün cəzalanmayıblar?" sualına belə cavab verib:

“Çox yaxşı məsələyə toxunduz. Çünki bəzi AFFA nümayəndələri həmin şeyləri görmürlər. Ya da mediada bu haqda nəsə yazılmır ki, biz onu bilib, cəzalandıraq. Amma yenə deyirəm, bütün pankartlar və plakatlar üçün PFL-dən icazə almaq lazımdır".

Daha çox


Son xəbərlər
05.03.26  19:18

Vitinya "Real"a gedir?

topaz banner