13:54
"Dəyişikliklər oyunumuzun inkişafına təsir göstərməməlidir. Biz çox yaxşı bilirik ki, elə bir dövrdəyik ki, hər bir səhvə yol verə bilərik”.
Qol.az xəbər verir ki, bu sözləri “Marsel”in baş məşqçisi Xorxe Sampaoli Konfrans Liqasının 1/16 finalının “Qarabağ”la sabah keçiriləcək oyunu üçün təşkil edilən mətbuat konfransında deyib.
Argentinalı mütəxəssis "Qarabağ"la oyunun asan olmayacağını, Ağdam təmsilçisinin topla çox oynayan komanda olduğunu bildirib: “Cavab oyununa necə hazırlaşacağımızı həqiqətən bilmirəm. Fərqli təcrübə olacaq. Ən böyük çətinlik iki matç arasındakı qısa hazırlıq müddətidir. Hər bir detal nəzərə alınacaq.
Məqsəd bu yeni turnirlə tanış olmaqdır. Rəqibimiz turnirin qrup mərhələsində topa ən çox sahib olan komandadır. Məqsədimiz sabah qələbə qazanmaqdır. Ən yaxşı futbolçularımız sabah oynayacaq. Motivasiyamız eyni olaraq qalır".
Baş məşqçi əsas hədəflərinin Çempionlar Liqasına vəsiqə qazanmaq olduğunu qeyd edib: “Qarabağ” zəngin beynəlxalq təcrübəyə malik oyunçulara sahibdir. Bu mənada həm “Velodrom”da, həm də evlərində belə matçlara öyrəşmiş komandaya qarşı oynamaq işimizi çətinləşdirəcək. Çətinlik həm də hazırlığın qısa müddətdə olmasından qaynaqlanır. “Qarabağ”la iki görüş arasında çempionat oyunumuz da olacaq. Klubun məqsədi Çempionlar Liqasına vəsiqə qazanmaqdır. Hər səhv bizə böyük zərər vura bilər”.
Sampaoli istefaya göndəriləcəyi ilə bağlı yayılan xəbərlərə də münasibət bildirib: “Futbolda baş məşqçinin taleyini nəticələr müəyyən edir. Biz buna görə mühakimə olunuruq. Qalib gəlmədikdə meydanda baş verənlərə görə günahkar oluruq. Təzyiqlə hər yerdə qarşılaşmışam. Amma hər dəfə bir müddət vəzifəmdə qalmaq mənə qismət oldu. Məqsədim həmişə oyun fəlsəfəmi möhkəmləndirməkdir".
Xatırladaq ki, sabah gecə keçiriləcək "Marsel" - "Qarabağ" matçı Bakı vaxtı ilə saat 00:00-da başlayacaq.
“Real” sonda sevindi
PSJ öz meydanında uduzdu
MOİK-in qələbəsi - Video
DÇ-2026-ya vəsiqə qazanmasalar, istefa verəcək
Azərbaycan millisi Macarıstanda məşqə çıxdı - Şəkillər
"Səbail"in 4 qollu qələbəsi - Video
UFC yarışı yenidən Bakıya qayıdır
Volkan Demirelin yeni klubu
Ronaldonun zədəsi gözləniləndən ciddidir
Superliqa klubu baş məşqçiyə cəmi 18 gün şans verdi
"Səbail" və MOİK-dən qələbə
“Qarabağ” mənim üçün tramplin ola bilər” - Jeremi Qnali
Azərbayan çempionatlarında ötən ayın ən yaxşıları açıqlandı
"Kəpəz" rəhbərliyində dəyişikliklər
4 komandaya texniki məğlubiyyət verildi
AFFA klubları cərimələdi, futbolçuları cəzalandırdı
"Qarabağ"ın 15 yaşlı futbolçusu Fransa klubuna gedir
Britaniya mediasından iddia - "Qarabağ"lıya təkliflər var
Mövsümdə ilk, tarixdə 35-ci
Andradenin 200-cü oyunu
Azərbaycan millisinin Avropa çempionatı üçün heyəti
"Sabah"ın yubiley qolu
"Neftçi" ilə matç 6 xallıq oyundur" - Hayderson Hurtado
"Premyer Liqada qalacağımıza inanıram"
A seriyasında ayın futbolçusu seçildi
