19:30
Milli komandamızın və Zaqreb “Dinamo”sunun hücumçusu Mahir Emreli yığmamızın sabiq baş məşqçiləri olmuş Robert Prosineçki və Nikola Yurçeviç barədə fikirlərini bildirib.
Qol.az-ın xəbərinə görə, M.Emreli Xorvatiyanın “Sportske novosti” nəşrinə müsahibəsində millidə məhz Prosineçkinin dövründə debüt etdiyini (1 sentyabr, 2017-ci ildə - red.) söyləyib:
"Prosineçkinin dövründə yaxşı oynayaraq inkişafa nail olmuşduq"
“O, məni çox gözlətmədi. Əvvəlcə məni San-Marino, sonra Qətərlə yoxlama görüşlərinə apardı. İlk rəsmi oyunum Norveçə qarşı oldu. Heç vaxt oyundan əvvəl onun mənə dediklərini unutmayacağam. Onda 19 yaşım vardı və çox həyəcanlı idim. O, bunu hiss etdi və günorta yeməyindən sonra mənimlə təkbətək danışdı. Dedi ki, səbr et və sərbəst oyna. Bildirdi ki, dünyada futbolçu olmaqdan yaxşı heç nə yoxdur, futbol digər peşələrə bənzəmir. Bildirdi ki, mən indiki məqamdan həzz almalıyam, gəncəm və heç nədən qorxmamalıyam. İndiyədək onun bu sözlərini xatırlayıram. Bu, həmişə mənim üçün motivasiya mənbəyidir. Biz indi görüşməsək də, onun sözlərini zaman-zaman yadıma salıram. Bizim ölkədə hamı onun üçün darıxır. Azərbaycan millisi heç vaxt böyük yarışlarda favorit olmasa da, onun dövründə biz yaxşı oynayaraq inkişafa nail olmuşduq”.
"Yurçeviç oyunçulara həmişə dəstək olurdu"
Mahir Nikola Yurçeviç haqda isə deyib: “O, əla insan və məşqçidir. Təəssüf ki, bizdə çox yox, cəmi bir il işlədi. Onun vaxtında Macarıstana qol vurdum, sizin milli Xorvatiyaya qarşı oynadım. Yurçeviç oyunçuları əla başa düşürdü, həmişə onlara dəstək olurdu. Mən ona və ailəsinə hörmətlə yanaşıram”.
Noyer sıradan çıxdı
“Real” sonda sevindi
PSJ öz meydanında uduzdu
MOİK-in qələbəsi - Video
DÇ-2026-ya vəsiqə qazanmasalar, istefa verəcək
Azərbaycan millisi Macarıstanda məşqə çıxdı - Şəkillər
"Səbail"in 4 qollu qələbəsi - Video
UFC yarışı yenidən Bakıya qayıdır
Volkan Demirelin yeni klubu
Ronaldonun zədəsi gözləniləndən ciddidir
Superliqa klubu baş məşqçiyə cəmi 18 gün şans verdi
"Səbail" və MOİK-dən qələbə
“Qarabağ” mənim üçün tramplin ola bilər” - Jeremi Qnali
Azərbayan çempionatlarında ötən ayın ən yaxşıları açıqlandı
"Kəpəz" rəhbərliyində dəyişikliklər
