21:48
“Bir neçə ildir qadın çempionatını təşkil edirik. Bilirdik ki, UEFA tərəfindən qadın komandalarının olması tələb olunacaq. Klubların bütün meyarlara uyğun cavab verməsi üçün biz də öncədən tədbirlərimizi görmüşük”.
Qol.az xəbər verir ki, bu sözləri AFFA-nın icraçı vitse-prezidenti Elxan Məmmədov bu gün İcraiyyə Komitəsinin iclasından sonra keçirilən mətbuat konfransında ölkəmizdə qadın futbolunun durumu haqda danışarkən deyib.
O, AFFA-nın qadın futbolunda diqqət yetirdiyini və inkişafı üçün çalışdığını bildirib: “Əminə Heydərova 2012-ci ildə dünya çempionatında komandamızı kapitan kimi meydana çıxarmışdı. Sonra isə AFFA-da çalışmağa başladı. O, qadın futbol komandalarının rəhbəri təyin olundu. Əminəni də təbrik edirəm. O, komandamızın kapitanı idi. 10 il keçdikdən sonra isə AFFA-da rəhbərlik səviyyəsində iş başındadır. Klublarımız üçün hər şeyi hazırlamışıq. UEFA sistemi tətbiq edən kimi, klublar qurumun meyarlarına cavab verəcək. Bu tələb qaçılmazdır. Çünki bu, Avropa və dünyanın tələbidir. Yaxşı ki, bunu 10 il əvvəl gördük və bu idman növünü yavaş-yavaş inkişaf etdirdik. İstər qadın, istər kişi olsun, futbolu hər kəs özü seçir. Hər kəs müəyyən yaşdan sonra hansısa peşə sahibi olmaq istəyir. Amma futbolçu 6-7 yaşdan bu sahəni seçir. Yeri gəlmişkən, qadınlardan ibarət komandaların oyunçuları da böyük hesabla uduzduqları zaman da mətbuatdan razılıq bildirirlər. Deyirlər ki, bizi heç kim tənqid etmir. Onların əksəriyyəti ailə həyatı qurublar və həyat yoldaşları da futbolçulardır”.
Noyer sıradan çıxdı
“Real” sonda sevindi
PSJ öz meydanında uduzdu
MOİK-in qələbəsi - Video
DÇ-2026-ya vəsiqə qazanmasalar, istefa verəcək
Azərbaycan millisi Macarıstanda məşqə çıxdı - Şəkillər
"Səbail"in 4 qollu qələbəsi - Video
UFC yarışı yenidən Bakıya qayıdır
Volkan Demirelin yeni klubu
