Konfrans Liqasının 1/16 final mərhələsinin “Marsel” – “Qarabağ” oyununun neytral meydanda keçirilməsi ehtimalı artır.
Qol.az-ın xəbərinə görə, bu gün UEFA nümayəndəsi KL-in pley-off mərhələsinin iştirakçıları olan klubların təmsilçiləri ilə onlayn formada görüş keçirib. “Qarabağ”ın mətbuat xidmətinin rəhbəri Gündüz Abbaszadə Qol.az-a açıqlamasında bildirib ki, görüşdə klublardakı vaksinasiya məsələsi müzakirə olunub.
Fransa hansı vaksini qəbul edir?
Məlum olduğu kimi, Fransa hökuməti ölkəyə vaksinasiya olunmayan idmançıları buraxmamaq qərarı verib. Daha dəqiqi, Fransa tərəfi Pfizer/BioNTech, Moderna, AstraZeneca/Vaxzevria/Covishield və Johnson & Johnson vaksinlərindən başqa digərlərini qəbul etmir. “Qarabağ”da isə əksəriyyət Sinovac vaksinindən istifadə edib.
G.Abbaszadə bildirib ki, UEFA vaksinasiya məsələsində 2 meyarı əsas götürüb: “Birincisi, səfərə gedən edən şəxslərin peyvənd olunub-olunmamasıdır. Belə bir hal varsa, bu, birbaşa qonaq komandanın problemidir. İkinci məsələ klubun səfər etdiyi ölkənin həmin vaksini tanımamasıdır. Burada isə məsuliyyət meydan sahibi komandanın üzərinə düşür”.
“Qarabağ” rəsmisinin sözlərinə görə, bu o deməkdir ki, konkret indiki halda “Marsel” ya yerli hökumətə müraciət edərək istisna hal kimi matçın evdə oynanılmasına icazə almalı, ya da qarşılaşma neytral ölkədə oynanılmalıdır.
Bəs, Fransa tərəfi “Qarabağ”a bu icazəni verəcəkmi?
Bu gün üçün görünən odur ki, yerli hökumət hər hansı güzəştə hazırlaşmır. Fransanın idman naziri Roksana Marasinyanu bildirib ki, daha əvvəl tennis üzrə Fransa açıq çempionatında iştirak edən əcnəbi idmançılara bu qayda tətbiq edilib. Ona görə də qərar futbolçulara şamil olunacaq.
Qərar gələn həftə çıxarılacaq
G.Abbaszadə bir daha bildirib ki, "Qarabağ"da hamı vaksin olunub, amma vaksinlərin bir çoxunu Fransa qəbul etmir: “Ona görə də "Marsel" hər şeyi öz üzərinə götürərək, məsələnin həllinə çalışmalıdır. Qarşı tərəflə danışıqlarımız olub. Klub hökumətə müraciət edərək istisna hal kimi "Qarabağ"ın Fransaya səfər etməsinə çalışır. Amma Fransa hökuməti güzəştə getməməyə israrlı kimi görünür”.
G.Abbaszadə deyib ki, bütün bunlardan çıxış edərək oyununun neytral meydanda keçirilmə ehtimalının olduğunu söyləmək mümkündür. Bununla bağlı yekun qərar gələn həftə veriləcək.
Qeyd edək ki, “Marsel”- "Qarabağ" matçının fevralın 17-də Fransada, cavab oyununun isə fevralın 24-də Bakıda keçirilməsi nəzərdə tutulub.
"Sabah"ın U-13 komandası İtaliyaya yollanır
Saatlıda 4 qol vuruldu - Video
"Qarabağ"a qarşı bu dəfə fərqli çıxış etmək istəyirik"
Tonali mərc oyunlarında 50 qayda pozuntusunda ittiham olunur
Liderdən "İrəvan"a 3 cavabsız qol - Video
"Karvan" xal itirdi, "Araz Saatlı"dan darmadağın
Misli Premyer Liqasında 4 oyunun hakimləri bilindi
Dani Alveş ziyafət təşkil etdi
"Bavariya"ya rədd cavabı verdi
"Napoli" Xviça ilə yeni müqavilə imzalayır
"Neftçi"nin sabiq futbolçusu "Molde"də
"Bayer" hazırda dünyanın ən güclü komandasıdır”
"Neftçi" "Qəbələ" ilə oyuna itkilərlə çıxacaq
"Borussiya" Terziçin qarşısına şərtlər qoydu
26 oyunda 31 qol - Video
"Qarabağ" sabah 11-ci çempionluğu rəsmiləşdirə bilər
"Neftçi"nin legionerinin zədəsi sağaldı
Gürcülər çox döşünə döyməsin, biz də monqollara qalib gəldik
Benzia “Puşkaş” mükafatına layiq görülə bilər - Video
Qrizmann qayıtdı
"Real" üç futbolçusu ilə razılaşdı
Xavi jurnalisti məhkəməyə verdi
PSJ-nin iki futbolçusu zədəsini sağaltdı
Ronaldo hakimə etiraz etdi - Şəkil
İngiltərə millisinin üzvü Avro-2024-ü buraxacaq
"Zirə"nin hücumçusu Niger millisində oyuna çıxdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı