"Azərbaycanla oyun əsl derbi idi" - Bordin

"Azərbaycanla oyun əsl derbi idi" - Bordin
ÖLKƏ FUTBOLU 26 Dekabr 2021 / 12:20 5174
-  A +

"Moldova millisi ilə müqaviləm fevral ayından noyabra kimi idi. Hər şey artıq başa çatıb, millidəki inkişafdan razı qaldım. 2 qələbəsiz oyundan sonra Azərbaycanla matçda istədiyimizə çatdıq".

Qol.az tuttomercatoweb.com-a istinadən xəbər verir ki, bu sözləri Moldova millisinin, həmçinin "Neftçi"nin sabiq baş məşqçi Roberto Bordin Kişinyovda keçirilən Moldova – Azərbaycan (1:0) oyununu xatırlayarkən deyib. O, yığmamızla matçın derbi olduğunu bildirib: 

"Vaxtilə ilyarım “Neftçi”ni çalışdırmışam. Hazırda Azərbaycan millisini Canni De Byazi çalışdırır. Bu mənada Azərbaycanla oyun əsl derbi idi. 2 illik qələbəsizlikdən sonra hətta yoxlama görüşündəki qələbəyə sevinən tribunadakı azarkeşləri gördüm. Həqiqətən xoş anlar idi. İndi karyeramda pauza götürmüşəm, gözləyirəm. “Şerif” və “Neftçi”də beynəlxalq təcrübə qazanmışam. Bu, çox vacibdi. Geridə qalan illərə görə şadam".

Qeyd edək ki, Bordin 2018-2020-ci illərdə "Neftçi"yə baş məşqçilik edib. O, bu il bir neçə ay Moldova millisini çalışdırıb. 

Daha çox


Son xəbərlər
07.03.26  18:46

Noyer sıradan çıxdı

topaz banner