"Bir xalı qənaətbəxş hesab edirəm" - Rəşad Sadıqov

"Bir xalı qənaətbəxş hesab edirəm" - <b style="color:red">Rəşad Sadıqov</b>
ÖLKƏ FUTBOLU 3 Aprel 2021 / 20:06 1367
-  A +

"Komandama təşəkkür edirəm. Bir çox problemə rəğmən sonadək mübarizə apardıq".

Qol.az xəbər verir ki, bu fikirləri "Zirə"nin baş məşqçisi Rəşad Sadıqov Azərbaycan Premyer Liqasının  21-ci turunda səfərdə "Səbail"lə qolsuz heç-heçə etdikləri oyunundan sonra mətbuat konfransında deyib.

O bildirib ki, ilk hissədə komandasının üstünlüyü daha çox görünürdü: "Fasilədən sonra isə təşəbbüs sıra ilə hər komandada oldu. Bir xala üzülmürük, bunu qənaətbəxş hesab edirəm".

Sadıqov futbolçularına göstərilən sarı vərəqələr barədə danışmaq istəmədiyini bildirib: "Həmin epizodlarda biz də etiraz etdik. Amma şərh vermək istəmirəm".

Baş məşqçi gənc müdafiəçi Cəlal Hüseynovun çıxışına toxunub: "Onun oyunu bizi sevindirir. Bu mövsümdə yetərincə şans qazanıb. Mövqeyi səhv etməyə imkan vermir. Çalışıram ki, daha da inkişaf etsin".

Sadıqovun sözlərinə görə, daha keyfiyyətli futbol oynamaq üçün yaxşı futbolçular lazımdır:  "Futbolçu özü yetişmir, onları yetişdirmək lazımdır. 90 dəqiqə yüksək tempdə oynamaq üçün pillə-pillə gəlmək lazımdır. Futbolçu 60 dəqiqədən sonra yorulubsa, bu, iki səbəbdən ola bilər: ya fiziki cəhətdən zəifdir, ya da  məşqdə yüklənib. Meydanda gördüyünüz 90 dəqiqə son mərhələdir. Hesab edirəm ki, mütəxəssislərimizin əlində daha geniş imkan olsa, daha böyük işlər görə bilərlər".

 

Daha çox


Son xəbərlər
22.04.21  12:29

Sezar 100-ə çatdı

22.04.21  11:05

350-ci oyun