“Zubirin oyununu çox bəyənirəm”

“Zubirin oyununu çox bəyənirəm”
ÖLKƏ FUTBOLU 2 Mart 2021 / 11:16 1903
-  A +

Qadınlardan ibarət Azərbaycan milli komandasının yarımmüdafiəçisi Firəngiz Teymurova Qol.az-a müsahibə verib.

- Hazırda klub axtarışındasınız. Təkliflər var?

- Düzü, futbolu buraxacağımı düşünürdüm. Altı ay əvvəldən başlayaraq bir ayın içində üç dəfə əməliyyat keçirdim. Sonda fikrimi dəyişib, futbola qayıtdım. İstəyirəm ki, karyeramı xaricdə davam etdirim. Qazaxıstanın “Okjetpes” klubu ilə danışıqlar gedir.

- Niyə məhz Qazaxıstan?

- Onlarda çempionatın səviyyəsi üstündür.

- Azərbaycanda qadınlar üzrə keçirilən liqada hansı çatışmazlıqlar var?

- Çatışmazlıq deməyim. Fikrimcə, daha yaxşı ola bilər. Amma klub azdır. 6-7 klub var.

- Azərbaycanda verilən maaş qane edir?

- Klubdan maaş almırıq.

- Keçək milli komandayaş İspaniyaya 0:13 hesablı acı məğlubiyyətin səbəbi nə idi?

- Bəhanə gətirmək istəməzdim. Öz səhvlərimiz oldu, rəqib də yetərində güclü və təcrübəli idi. Bəzi dəyişikliklər də olmuşdu. Sonra bütün fikrimizi Moldova ilə oyuna köklədik.

- İspanlar başqa hansı göstəricilərdə sizi üstələyirdi?

- Onlarda çempionat davam edirdi. Bizdə isə pandemiyaya görə məşqlər və çempionat dayanmışdı.

- Həmin ağır məğlubiyyətdən sonra Moldova ilə oyununa necə köklənə bildiniz?

- Məğlubiyyətdən sonra çox üzücü ismarıclar, xəbərlər aldıq. Bizi motivasiya edən elə bu oldu. Qrupda son oyunumuzu olduğu üçün hər şeyi unudub, ancaq qələbə haqda düşündük və buna nail olduq.

- Növbəti yarışda bizi nə gözləyir?

- Mart və aprel aylarında dünya çempionatının seçmə mərhələsi keçiriləcək. İnanıram ki, daha yaxşı nəticə əldə edəcəyik.

- Qadın futbolunda bizi geri salan ən boyük problem hansıdır?

- Klublarda məşqlər daha yaxşı keçirilsə, bizim üçün də yaxşı olar.

- Keçək kişi futboluna. Azərbaycan Premyer Liqasını izləyirsinizmi? Hansı kluba azarkeşlik edirsiniz?

- Qarabağlı olduğum üçün ailəlikcə “Qarabağ”a azarkeşlik edirik.

- Fovarit futbolçun kimdir?

- Abdullah Zubir. Oyun tərzini çox bəyənirəm.

- Premyer Liqanın səviyyəsindən razısınız?

- Bəli. Çempionat daha rəqabətlidir.

- Bəs “Qarabağ”ın oyunları haqda fikrin necədir?

- Hər komandada olduğu kimi, “Qarabağ”da da alınmaya bilər. Amma umumi götürəndə hər şey yaxşıdır.

- Azarkeşlər ispanlara məğlubiyyətə görə sizdən narazı qaldılar. Onlara sözünüz nə olardı?

- İlk dəfədir ki, bu turnirdə iştirak edirik. Bizim üçün təcrübə oldu. Əminəm ki, bundan sonra yaxşı çıxış edib ölkəmizi layiqincə təmsil edəcəyik.

Ağa Dadaşzadə

 

Daha çox


Son xəbərlər