19:16
“Ayaz unikal futbolçu, əsl şeytandır. Rusiyada heç kim meydanın kiçik hissəsində topla onun kimi davrana bilmir. Quliyev cəld, sürətli və son dərəcə emosionaldır”.
Qol.az-ın Rusiya mətbuatına istinadən yaydığı xəbərə görə, bu sözləri “Anji”nin sabiq çalışdırıcısı Aleksandr Qriqoryan deyib. Vaxtı ilə Mahaçqala təmsilçisində Ayaz Quliyevin də baş məşqçisi olmuş erməni mütəxəssis azərbaycanlı futbolçunun bir neçə gün öncə Moskvada amerikalı turistin burnunu sındırmasına münasibət bildirib:
“Hərdən məşqdə oyunu yaxşı alınmayanda topu qüvvətli zərbə ilə auta vururdu. Amma səhv olduğunu başa düşəndə emosiyalarını tez cilovlayırdı. Çox futbolçu ilə işləmişəm. Mənə görə, Ayaz təmiz qəlbli, özündən böyüklərə qarşı son dərəcə diqqətli olan yaxşı insandır. Özündən razılığı və ulduz xəstəliyi yoxdur, amma çox dindardır.
Son hadisə də onun emosionallığının nəticəsidir. Ona səbrli olmağı məsləhət görərdim. Əgər hisslərini idarə etməyi bacarsa, yüksək səviyyəli futbolçu olacaq. Şəxsən ona demək istərdim ki, “Ayaz, axmaq olma, kişi üçün ən vacibi öz istedadını göstərməkdir. O, gələcəkdə Avropa səviyyəli dayaq yarımmüdafiəçisi ola bilər”.
Qriqoryan UFC versiyası üzrə yüngül çəkidə son dünya çempionu Həbib Nurməhəmmədovun “Anji”də çıxış edən bütün futbolçulara ciddi təsir göstərdiyini vurğulayıb: “O, təkcə Ayaza deyil,”Anji”nin bütün futbolçularına güclü təsir edib. Açığı, Həbiblə görüş uzun çəkmədi. Qarşımızda gənc olmasına baxmayaraq, güclü və müdrik insan oturmuşdu. Onun təsiri altına düşməmək çətin idi. Ancaq Ayaz Həbibin saç düzümünə keçəndə artıq mənim işləmirdi”.
Qeyd edək ki, aprelin 10-da baş verən insidentə görə Moskva “Spartak”ı Ayazı cəzalandırıb. Əvəzedici komandaya göndərilən yarımmüdafiəçi 5 milyon rubl (təqribən 77 min dollar) məbləğində cərimələnib.
Pelleqrini sıradan çıxdı
Premyer Liqada ən çox qol epizodunu onlar yaratdı
"Real" sabiq futbolçusunu geri qaytarır
Alman klubu "Mançester Siti"nin hücumçusu ilə maraqlanır
Avropada ən çox driblinqi kim edib?
İngiltərə klubunun sabiq futbolçusu vəfat etdi
"Bornmut"un müdafiəçisi nəhəng klubların hədəfində
"Difai"nin 5 qollu qələbəsindən - Video
Keyn, Haaland, Mbappe...
"Fənərbaxça" Şimanski ilə sağollaşır?
"Barselona" İngiltərə klubunun futbolçusuna göz dikdi
Mbappe də Mərakeşə yollanır
"Turan Tovuz"un qış hazırlıq planı müəyyənləşdi
"Karvan-Yevlax" legioneri ilə yollarını ayırdı
Maradonanın cırılmış forması rekord məbləğə satıldı
"Milan"ın çempion olmağı çətin görünür"
1-ci liqada ilin son oyunları keçirildi
İlin ən yaxşı qadın hakimləri - Siyahı
Qara Qarayev "Araz-Naxçıvan"la müqaviləsini ləğv etdi
“Barselona”nın transfer planı
