16.11.18
"Matça yaxşı hazırlaşmışdıq və rəqibi yaxşı analiz etmişdik. Bunun da nəticəsində maraqlı oyun oldu. Üç qol vurduq və qələbə qazandıq. Buna da sevinirik".
Qol.az-ın məlumatına görə, bu sözləri millimizin futbolçusu Ürfan Abbasov Qırğızıstanla yoldaşlıq oyunundan (3:0) sonra jurnalistlərinə müsahibəsində deyib.
- Bu gün qol vuracağınızı gözləyirdinizmi?
- Sözün düzü, gözləmirdim. Amma epizod yarandı irəli getdim. Komanda yoldaşım da yaxşı ötürmə verdi, mən də bundan istifadə etdim.
- Qurban Qurbanovun gəlişindən sonra daha çox etimad qazanırsınız. Özünüzü əsas futbolçulardan hiss edirsinizmi?
- Düzdür. Qurban müəllim oynamaq üçün mənə şans verir. Hər oyunda da bacardığımı etməyə çalışıram. Bundan sonra da etimad qazansam, əla olar. Sevinirəm ki, əsas heyətdə oynayıram.
- Qol epizodunda ötürmə vermək barədə düşündünüzmü?
- Topu qəbul edən kimi niyyətim qapıya zərbə endirmək idi.
- Daha çətin rəqib olsaydı, yenə qapıya zərbə vurmağa risk edərdiniz?
- Daha ağır rəqib olsaydı, yəqin ki, belə epizod olmazdı. Mən buna inanmıram. Fürsət oldu, yüksək səviyyədə istifadə etdim.
- Rəqibin üstünlüyü ələ aldığı zamanlar oldu. Həmin anlarda nə baş vermişdi?
- Bəzi epizodlarda düzgün oynamadıq. Bunun nəticəsində də rəqib bizdən topa daha çox sahib ola bilirdi. Biz pressinqə hazır deyildik. Sonra isə oyunu düzgün qurduq. Pressinqdən daha yaxşı çıxdıq.
- Böyük ehtimalla Samir Abasov "Qəbələ"nin yeni baş məşqçisi olacaq. Onunla iş birliyinə hazırsınızmı?
- Mən hazırda milli komandadayam. "Qəbələ”yə aid suallar olmasa, daha yaxşı olardı.
- Bu məsələlərlə bağlı narahat deyilsiniz?
- Xeyr. Niyə narahat olmalıyam? Kim yaxşıdırsa o da oynayacaq. Yeni baş məşqçi kimə şans versə, o da meydanda olacaq.
Haalanddan daha bir uğur
Azərbaycan klubları ÇL-in növbəti mərhələsinə yüksəldilər
Millimizin və "Sumqayıt"ın futbolçusu əməliyyat olundu
Ramil Şeydayev yenidən "Qarabağ"da - Rəsmi
"Səbail" və "Bakı Sportinq"dən qələbə, "Şəfa"dan darmadağın
Millimizdən Moldovada ardıcıl ikinci qələbə
Mourinyo rəsmən “Benfika”da
“Barselona” düşərgəsindən milliyə narazılıq
U-15 millimiz Monteneqro yığmasına qalib gəldi
Luis Enrike birinci hissəni niyə tribunadan izləyib?
Yılmaz Vural bu klubun baş məşqçisi oldu
"Çelsi"də yeni müqavilə
"Benfika" Mourinyo təyinatını nə vaxt açıqlayacaq?
"Bavariya"dan Çempionlar Liqasında uğurlu göstərici
“Qurban Qurbanov Azərbaycan futbolunda inqilab edib”
İtaliya Superkubokunun məkanı açıqlandı
