"Neftçi"dən imtina etmərəm" - Səlahət Ağayev

"Neftçi"dən imtina etmərəm" - Səlahət Ağayev
ÖLKƏ FUTBOLU 7 İyul 2017 / 10:30 3785
-  A +

Bakı "İnter"inin qapıçısı Səlahət Ağayev Avropa Liqasının birinci təsnifat mərhələsində Serbiya "Mladost"la matçdan (2:0) sonra jurnalistlərin suallarını cavablandırıb. Qol.az-ın məlumatına görə, o, əvvəlcə oyun barədə fikirlərini bildirib
 
- Görüş haqda nə deyəcəksən?

- İlk oyunumuz ağır keçmişdi. Səfərdə 3:0 qalib gəlsək də, Bakıdakı oyuna da arxayın çıxmamışdıq. Şadam ki, mərhələ adlaya bildik.
 
- Avqustun 1-də "Neftçi”yə qayıtmalı olduğunu bu klub bildirib. Nə edəcəksən?

- Rəhbərlik səviyyəsində olan məsələdir. Yəni rəhbərlik qərar verəcək.
 
- "Neftçi"dən imtina edib "İnter”də qalmaq ehtimalın var?

- Xeyr, elə şey ola bilməz. Hər şeyin zamanı var. Mənim məsələm rəhbərlik səviyyəsində olan bir şeydir.

- Səndən olsa hansı qərarı verərdin?

- Mən qapıçıyam da, burda da top tuturam, orada da gedib top tutacam(gülür). Zarafat edirəm. Qərar vermişəm ki, "Neftçi” ilə müqavilə imzalayım.
 
 
- Əgər "İnter” avrokuboklarda irəliləsə, o zaman necə olacaq?

- Yenə deyirəm, rəhbərlik səviyyəsində olan məsələdir.
 
- Növbəti turdakı rəqibiniz Lüksemburqun "Fola” komandası haqda hansı məlumatınız var?

- "Fola"nı tanımıram, bir şey deyə bilmərəm. Zəif olsaydılar mərhələ keçməzdilər. Hər halda güclü klubdur ki, mərhələ keçiblər. "Fola”nın oyununa heç baxmamışam.

Daha çox


Son xəbərlər
24.03.26  21:14

Hakimi "Real"a keçir?

topaz banner