19:49
“Qəbələ” hazırkı UEFA reytinqində 148-ci yerdə qərarlaşıb.
Qol.az xəbər verir ki, bu haqda klubun saytının yaydığı məlumatda bildirilir.
Son 5 avrokubok mövsümünün nəticələrinə əsasən tərtib olunan siyahıda “qırmızı-qaralar” 7,500 xala malikdir. Komanda 2015/16 və 2016/17 mövsümlərinin hərəsində 2,000, 2017/18 və 2018/19 mövsümlərinin hər birində isə 1,000 xal qazanıb. Koronavirus pandemiyası üzündən dayandırılan cari mövsümdə çıxışını başa vuran “Qəbələ” aktivinə daha 1,500 xal əlavə edib. Bununla da əmsalını 7,500-ə çatdıran komandamız 148-ci sırada yer alıb.
Bu, klub tarixinin rekord göstəricisidir. “Qəbələ” cari mövsümədək heç vaxt belə yüksək mövqedə qərarlaşmayıb.
Avrokuboklarda debüt etdiyi 2014/15 mövsümündə siyahıya daxil edilən “qırmızı-qaralar” debütdə 358-ci yerdə qərarlaşıb. Növbəti il 253-cü, sonradan 185-ci olan “Qəbələ” hər dəfə xal hesabını da artırıb.
2017-ci ilin yayından etibarən klub reytinqinin hesablama metodu dəyişdirilib. Nəticədə həm xallar azalıb, həm də geriləmə qeydə alınıb. Həmin vaxt mövsümü 191-ci sırada tamamlayan “Qəbələ” ötən yay 173-cü yerə qədər yüksəlib. Bu, klub tarixinin rekordu idi ki, cari mövsümdə həmin göstərici 25 pillə də yaxşılaşdırılıb.
“Qəbələ” UEFA reytinqində
2014/15 – 2,750 (358-ci yer)
2015/16 – 5,225 (253-cü yer)
2016/17 - 7,800 (185-ci yer)
2017/18 - 5,250 (191-ci yer)
2018/19 - 6,250 (173-cü yer)
2019/20 – 7,500 (148-ci yer)
_22.01.19.jpg)
Messi qərarını verdi
"Borussiya" 6 qolla qalib gəldi
Türkiyə klubunun futbolçuları koronavirusdan sağaldı
"Şaxtyor" "Dinamo"ya qalib gəldi
Münhenqladbaxda 5 qol - Video
"Bavariya"dan Bundesliqada yeni rekord
"Atletiko"dan ayrıldığını açıqladı
“Bavariya”nın müdafiəçisi sıradan çıxdı
Nazarovun komandası böyük hesabla uduzdu
"Atletik" baş məşqçisi ilə müqaviləni uzatdı
“Futbol əvvəlki kimi olmayacaq” – Messi
AFFA-dan koronavirusla bağlı yeni qərar
Klublarımız sabahdan məşqlərə başlayır
Azərbaycan Premyer Liqasının bərpa tarixi – Rəsmən açıqlandı
PSJ İkardini birdəfəlik transfer etdi – Rəsmi
Qonşumuz da başlayır
Ronaldo məşqdən bu videonu paylaşdı
Qapalı şəraitdə də məşqlərə icazə verildi - Rəsmi
“Mançester Yunayted” “Yuventus”a sorğu göndərdi
