11:15
Antalyada təlim-məşq toplanışında olan “Neftçi”nin baş məşqçisi Vaqif Sadıqovun Qol.Az-a müsahibəsi
- Bu gün Rumıniyanın “Konkordiya” klubuna qarşı yoxlamaya matçı oynadınız. Təəssüratlarınız necədir?
- Komandamız oyunu çox yüksək səviyyədə keçirdi. İlk dəqiqələrdən üstünlüyü ələ aldıq. Nəticədə tezliklə hesabı açdıq. Fasilədən sonra komandamız daha iki qol vuraraq, qələbə qazandı.
- Baxışda olan futbolçular bu matçda necə təsir bağışladılar?
- Özlərini yaxşı tərəfdən göstərmək üçün bütün güclərini meydanda qoydular. Elə ilk qolu da Voskoboynikov vurdu. Eyni zamanda Alekseyevlə Abramidze də yaxşı təsir bağışladılar.
- Üç futbolçunun komandada qalacağını dəqiq söyləmək olar?
- İndidən qəti söz demək olmaz. Düzdür, onlar özlərini yaxşı tərəfdən göstərirlər. Hər üçü yaxşı futbolçudur. Amma dəqiq olaraq komandada qalıb-qalmayacaqlarını indidən deyə bilmərəm. Qarşıdakı 1-2 gündə onların taleyinə aydınlıq gələcək.
- Voskoboynikov, Alekseyev və Abramidzedən başqa hansısa futbolçunun yenidən baxışa dəvət olunması mümkündür?
- Bundan sonra çətin ki, kimisə dəvət edək. Çünki toplanışın sonuna az qalıb. Gələn futbolçu gərək yüksək səviyyədə hazır olsun. İndiki halda isə belə futbolçu tapmaq bir qədər çətindir. Adını çəkdiyim üç futbolçu hazırlığın ilk günündən bizimlə bir yerdədirlər. Mən onlara, onlar da mənə yaxından bələddirlər.
- Əli Cansunun komandaya qayıdacağı da deyilir...
- Bu haqda heç nə deyə bilmərəm. Çünki o bizimlə birlikdə məşq etməyib.
- Bir müddət əvvəl əməliyyat keçirən Ruslan Abışovun durumu nə yerdədir?
- Ruslan artıq komanda ilə birgə məşq edir. Özü də tezliklə əvvəlki formasını bərpa etmək istəyir. Buna görə də məşqlərdə var gücünü ortaya qoyur.
- Əvəzedici heyətdən əsas komandanın hazırlığına cəlb etdiyiniz gənc futbolçular necə təsir bağışlayırlar?
- Digərləri kimi onlar da bütün gücləriylə məşqlərdə çalışırlar. Biz onları gələcək üçün nəzərdə tutmuşuq. Bununla belə, özlərini göstərəcəkləri halda əsas heyətdə yer almaları mümkündür.
- Növbəti yoxlama oyununu “Amkar”a qarşı keçirməli idiniz. Amma bu görüşün baş tutmayacağı dəqiqdir. Son hazırlıq matçında hansı komandayla qarşılaşacağınız qətiləşib?
- Həqiqətən də “Amkar”la razılığa gəlmişdik.Lakin sonradan Rusiya klubu təlim-məşq toplanışını vaxtından əvvəl başa vurdu. Hazırda iki komandayla danışıqlar gedir. Hər ikisi güclü komandadır. Ya “Şaxtyor”la, ya da “Styaua” ilə qarşılaşağıq.
"Bayer"də ciddi itki
Azərbaycan güləşçisindən bürünc medal - Dünya çempionatı
Sergey Milinkoviçlə müqavilə imzalandı
"Qəbələ" və "Zirə"nin əvəzedicilərindən böyükhesablı qələbə
De Brüyne "Qarabağ"a qarşı oynamayacaq
London klubu Kante ilə yeni müqavilə imzaladı
"Qızlar xarakter göstərdilər" - Siyasət Əsgərov
İqor Tudor “Yuventus”dan qovuldu
U-17 millimiz rəqibinə böyük hesabla məğlub oldu
Azərbaycan millisi Qazaxıstana yenə qalib gəldi
Vinisiusdan Yamala sərt sözlər
Azərbaycanda UEFA Pro kursunun IV mərhələsi başladı
Türkiyə klublarının Avropa qazancı
Kovaçiç “Mançester Siti”dən ayrılır?
Alvaro Karreras Yamalın driblinqinə münasibət bildirdi
İqor Tudorun “Yuventus”dakı gələcəyi sual altındadır
Azərbaycan kubokunun adı dəyişdirildi
100-cü oyun
Qvardiola: “Bu məğlubiyyət bizi daha da gücləndirəcək”
Azərbaycan kubokunda buhəftəki oyunların hakimləri açıqlandı
"Azərbaycanda oynayıramsa, "Qarabağ"ın uğuruna sevinməliyəm" - Portuqaliyalı legioner
"Qəbələ"nin 200-cü məğlubiyyəti
"Kəpəz"in uğursuzluq yubileyi
Andrade üçün əlamətdar oyun
“Bavariya”nın futbolçusu İngiltərə yolunda
Neymarın yeni ünvanı İtaliya ola bilər
