Almeyda: "İkinci oyun daha çətin olacaq"

Almeyda: "İkinci oyun daha çətin olacaq"
GÜNDƏM 13 İyul 2016 / 01:08 6043
-  A +

"Qarabağ”ın braziliyalı futbolçusu Riçard Almeyda Çempionlar Liqasının II təsnifat mərhələsində Lüksemburqun “Düdelanj” klubuna qalib gəldikləri oyundan (2:0) sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb

- Oyun haqqında fikirlərin…

- Asan oyun olacağını gözləmirdik. Hər dəfə topu itirəndə əks hücuma çıxmalarından anlayırdıq ki, rəqib çətin komandadır. Qələbə qazansaq da, hələ heç nə həll olunmayıb. Bizi daha çətin cavab oyunu gözləyir. Birinci oyuna necə hazırlaşmışdıqsa, cavab görüşünə də elə ciddi yanaşmalıyıq.

- 2:0-dan sonra sanki komanda rahatlaşmışdı.

- Daha çox qol vurmaq istəyirdik. Lakin rəqib komanda ikinci hissədə qapandı. Müdafiəni yarmaq çətin idi. Bütün futbolçuları meydanın özlərinə aid hissəsinə cəmləşmişdi, sıx müdafiə olunurdular. Belə olan halda rəqibə qol vurmaq asan olmur.

- Hər iki qolu siz vurdunuz.

- Ola bilər ki, qolları mən vurdum. Amma bu, mənim yox, bütöv komandanın qələbəsidir.

- İkinci hissədə zədə aldınız. Vəziyyətiniz necədir?

- Elə də ağır zədə deyil. Hər şey yaxşıdır. Sabah özümü daha yaxşı hiss edəcəyəm.

- Bu qələbə növbəti mərhələyə çıxmaq üçün yetərlidir?

- İkinci oyunun daha çətin olacaq. Biz də buna uyğun hazırlaşacağıq.

Məftun MAHİROĞLU

Daha çox


Son xəbərlər