20:59
"Qəbələ"nin yeni transferi Nika Kvekveskiri Gürcüstan mətbuatına müsahibə verib.
Qol.az-ın məlumatına görə, gürcüstanlı futbolçu yeni komandası və Avropa Liqasının I təsnifat mərhələsində qarşılaşacaqları "Samtredia" klubu haqda fikirlərini bölüşüb.
- "Qəbələ"yə uyğunlaşma prosesi necə gedir?
- Mənə hələ bir qədər vaxt lazımdır. Amma "Qəbələ" yaxşı komandadır. Burada yüksək səviyyəli məşqçi və futbolçular cəmləşib. Mənim üçün əsas odur ki, "Qəbələ" iddialı klubdur.
- Avropa Liqasının I təsnifat mərhələsində "Samtredia" ilə qarşılaşacaqsınız...
- Avropa Liqasının qrup mərhələsində oynamağı arzulayıram. Böyük və maraqlı görüş olacaq. Rəqibin baş məşqçisi Giya Tsetsadzeni yaxşı tanıyıram və onun oyun üslubuna hörmətlə yanaşıram. Tsetsadze hücum futbolunu sevir. Elə "Qəbələ" də hücum futbolu oynayır.
- Baş məşqçi Roman Qriqorçuk səni hansı mövqedə oynadacaq?
- Komandanın iki taktiki sxemi var. Hansı mövqedə oynayacağım taktikadan asılı olacaq. Mənə ya rəqibin qarşısını yarımmüdafiədə kəsmək, ya da hücumameyilli oynamaq tapşırılacaq. Mən hər iki funksiyanı yerinə yetirməyə hazıram.
- Məlum olduğu kimi "Qəbələ"nin əsas heyətində tez-tez dəyişikliklər olur. İndi necə komandanın heyətində dəyişiklik baş verib?
- Yerli futbolçular qalıb. Qapıçı və müdafiə xəttində dəyişiklik baş verməyib. Hücum xəttində müəyyən dəyişiklik olub ki, bu da yeni futbolçuların hesabına baş verib. Bildiyim qədəri ilə yeni futbolçu axtarışı hələ də davam edir.
- Yəqin ki, bu mövsüm də Azərbaycan çempionatında "Qəbələ"nin qarşısına yüksək hədəf qoyulacaq...
- Əlbəttə. Hamı bilir ki, "Qəbələ" Azərbaycanın aparıcı klublarından biridir.
- Roman Qriqorçuk haqda nə deyə bilərsən?
- Yaxşı insandır. Onun məşqçilik fəaliyyətindən danışmaq artıqdır. Bizə lazım olan hər şeyi xırda detalına qədər başa salır. Futbolçulara da yalnız meydana çıxıb, oynamaq qalır.
Lukaku "Napoli"dən gedir
Millətlər Kubokunun matç qaydalarına dəyişikliklər ediləcək
Noyer geri dönür
Ofsayd qərarları artıq "robot"lara həvalə olunur
İtaliya klubu tarixinin ən pis mövsümlərindən birini keçirir
Azərbaycan millisinin məşqindən - Şəkillər
“Qaradağ Lökbatan”ın 7 qollu qələbəsindən - Video
“Qarabağ”ın xanım azarkeşləri üçün giriş pulsuz olacaq
Belarus yığması Ermənistana qalib gəldi
Xavi "Barselona"ya qayıda bilməyəcək
"Tanımadığımız rəqiblərlə oynamaq yaxşıdır" - Ayxan Abbasov
“Tottenhem” baş məşqçisini istefaya göndərdi
CAF-in baş katibi istefa verdi
Azərbaycan çempionatında mükafat qazandılar
"Qolum sınsa da, döyüşməyə davam etdim" - Tofiq Musayev
Yalnız “Quba” və “Qaradağ Lökbatan” qələbəyə sevindi
