Tərlan Əhmədov: "Üçüncü oyundur ki, bərbad çıxış edirik"

Tərlan Əhmədov: "Üçüncü oyundur ki, bərbad çıxış edirik"
XƏBƏR 7 May 2016 / 21:41 2701
-  A +

AZAL-ın baş məşqçisi Tərlan Əhmədov Topaz Premyer Liqanın 33-cü turunda "Neftçi" ilə səfər matçından (1:3) sonra mətbuat konfransı keçirib.
 
- Hərdən sözün bitdiyi an olur. Bu gün söz tapa bilmirəm. Gözləmədiyim bir oyun, bir durumdur. Uduzmağı da bacarmaq lazımdır. Sadə səhvlər üzündən qollar buraxdıq. Artıq 3-cü oyundur ki, bərbad çıxış edirik. Bəlkə də Avropa Liqasına vəsiqə şansları ilə əlaqədar təzyiq var. Amma futboldur. Futbolçular əziyyət çəkdilər. Uduzsalar da, bunun yükünü bilirəm. "Kəpəz"lə oyundan sonra qol vurmaq, hücum xəttində problemimiz yaranıb. Keçənə güzəşt deyərlər. "Zirə" ilə oyunda 3 xal lazım olacaq ki, işimizi düzəldək.
 
- Deyəsən, bu gün "Neftçi" rəsmilərindən heç kim arxanızca danışmamışdı?

- Arxamca heç kim danışmamışdı. O söhbət Samir Əliyev baş məşqçi olanda çıxmışdı. Əvvəlcə Samir haqda, sonra isə AZAL haqda demişdi. Mən o sözü yedizdirmək üçün alışıb yanırdım. İşlədiyim komandalar haqda danışmaq düzgün deyil. Bu gün "Neftçi" kubokda finala çıxıbsa, deməli, qarşılarında məqsəd var. Rəqibin hücum futbolu oynayacağını gözləmirdim. Sırf öz səhvlərimizdən qollar buraxdıq. Mövsümün əvvəllərində çempionatda qalmağı düşünəndə sərbəstlik var idi. Amma Avroliqa söhbəti çıxandan təzyiq var.
 
- Murad Səttarlını meydana sonradan buraxmağınız nə ilə bağlı idi?

- Səttarlı 3 gündür məşqlərə qoşulub. Amma hazırkı fiziki durumu tam oynamağa imkan vermir. Ona görə ikinci hissədə meydana buraxdım. Qarşıdakı oyunlarda yenə 11-likdə olacaq.

Mənbə: sportnet.az

 

Daha çox


Son xəbərlər
13.02.26  19:49

Mbappe sabah oynayacaq?

topaz banner