Enrike "Atletiko"nu təriflədi

Enrike "Atletiko"nu təriflədi
GÜNDƏM 14 Aprel 2016 / 10:11 7290
-  A +

"Hədəfimiz bütün kubokları qazanmaq idi. Bunu bacara bilmədiyimiz üçün təəssüflənirik, ancaq indi toparlanmaq lazımdır. İki turnirdə mübarizəni davam etdiririk. Hədəfimiz qalan kubokları qazanmaqdır".

Qol.az-ın İspaniya mətbuatına istinadən yaydığı xəbərə görə, bu sözləri "Barselona"nın baş məşqçisi Luis Enrike Çempionlar Liqasının 1/4 finalında "Atletiko"ya 0:2 hesabı ilə uduzaraq mübarizəni dayandırdıqları matçdan sonra deyib.

O, komandasının son dönəmlər yaxşı formada olmadığını qəbul edib:

"Birinci hissədə oyunumuz alınmadı. Rəqib qol vurmaq üçün bizim səhv etməyimizi gözləyirdi. İkinci hissədə bir neçə qol epizodu yaratdıq, amma fərqlənə bilmədik. "Atletiko" tərifə layiqdir".

L.Enrike məğlubiyyətdə kimin məsuliyyət daşıdığı ilə bağlı sualı belə cavablandırıb:

"99 faiz mən. Xeyr, 100 faiz mən. Çünki baş məşqçi olaraq tək günahkar özüməm".

Daha çox


Son xəbərlər
19.01.26  02:25

"Barselona" uduzdu

Topaz Desktop Banner