11:15
«Qarabağ» klubunun direktoru Əmrah Çəlikəlin Qol.Az saytına müsahibəsi
- Neçə vaxt idi Azərbaycandan kənardaydınız. Türkiyəyə səfərinizin məqsədi nə idi?
- Ora «Azərsun» Şirkətlər Qrupundakı işimə görə getmişdim. Futbolla bağlı hər hansı fəaliyyətimiz olmadı. Onsuz da komandada işlər öz qaydasında davam edir.
- Burda olmadığınız müddətdə «Qarabağ»ın göstərdiyi nəticələr yəqin ki, sizi qane edir.
- Təbii ki. Bu gün komandamız liderdisə, bundan yalnız məmnun ola bilərik. Bilirsiniz ki, biz hələ mövsümün əvvəlində qarşımıza çempion olmağı hədəf qoymamışıq. Bizim məqsədimiz komandanın gücü çatan ən yüksək nəticəni göstərməkdir.
- Amma «Qarabağ»ın turnir cədvəlinin lideri olması göstərir ki, klub çempion olmağa qadirdir.
- Bizim yuxarıda dediyim hədəfimiz yenə dəyişmir. «Qarabağ»ın əsas məqsədi Azərbaycan futboluna gənc və istedadlı futbolçular bəxş etməkdir.
- Siz yerli futbolçulara üstünlük verdiyinizi desəniz də, baş məşqçi Qurban Qurbanov qış transferi zamanı «Qarabağ»a legioner futbolçuların cəlb olunmasının mümkünlüyündən danışıb. Halbuki yerli futbolçulara verdiyi üstünlüyə görə «Qarabağ» nümunə kimi göstərilib.
- Əlbəttə, biz əcnəbi futbolçular gətirə bilərik. Amma bu addamı nəticə qazanmaq üçün atmayacağıq. Bizim əcnəbi futbolçuları komandamıza transfer etmək istəyimizin başlıca səbəbi yetişməkdə olan yeni yerli futbolçuların legionerlərin təcrübələrindən faydalanmasıdır.
- «Qarabağ»ın çempionatdakı əsas rəqiblərindən olan «Neftçi» hədəflərinin Çempionlar Liqasının qrup mərhələsində oynamaq olduğunu bəyan edib. Bəs, «Qarabağ»ın avrokuboklarla bağlı məqsədi nədir?
- Komandamızın bu il Avropa Liqasında pley-off mərhələsinədək gəlməsi sübut etdi ki, «Qarabağ»ın növbəti mövsümdə Avropa kuboklarının qrup-mərhələsində oynaması realdır. Amma biz Çempionlar Liqası və ya Avropa Liqasının qrup yarışlarında oynasaq belə, yenə də əsas məqsədimiz Azərbaycana, milli komandamıza layiqli futbolçular bəxş etmək olacaq.
- «Qarabağ»ın son ev oyununu - «Muğan»la qarşılaşmanı Quzanlıda deyil, Suraxanı stadionunda keçirməsinin səbəbi nə idi?
- Ağdamdakı stadionda işlər getdiyindən biz «Muğan»dan oyunu Bakıda keçirməyi xahiş etdik. Onlar da sağ olsun, razılaşdılar. «Simurq»la bu həftəki oyunumuzu isə əvvəlki qaydada Quzanlı stadionunda keçirəcəyik.
"Bayer"də ciddi itki
Azərbaycan güləşçisindən bürünc medal - Dünya çempionatı
Sergey Milinkoviçlə müqavilə imzalandı
"Qəbələ" və "Zirə"nin əvəzedicilərindən böyükhesablı qələbə
De Brüyne "Qarabağ"a qarşı oynamayacaq
London klubu Kante ilə yeni müqavilə imzaladı
"Qızlar xarakter göstərdilər" - Siyasət Əsgərov
İqor Tudor “Yuventus”dan qovuldu
U-17 millimiz rəqibinə böyük hesabla məğlub oldu
Azərbaycan millisi Qazaxıstana yenə qalib gəldi
Vinisiusdan Yamala sərt sözlər
Azərbaycanda UEFA Pro kursunun IV mərhələsi başladı
Türkiyə klublarının Avropa qazancı
Kovaçiç “Mançester Siti”dən ayrılır?
Alvaro Karreras Yamalın driblinqinə münasibət bildirdi
İqor Tudorun “Yuventus”dakı gələcəyi sual altındadır
Azərbaycan kubokunun adı dəyişdirildi
100-cü oyun
Qvardiola: “Bu məğlubiyyət bizi daha da gücləndirəcək”
Azərbaycan kubokunda buhəftəki oyunların hakimləri açıqlandı
"Azərbaycanda oynayıramsa, "Qarabağ"ın uğuruna sevinməliyəm" - Portuqaliyalı legioner
"Qəbələ"nin 200-cü məğlubiyyəti
