16:17
"İlk qolu biz vursaydıq, tam başqa futbol ola bilərdi. Çünki "Borussiya" ilə oyunda da belə bir epizod oldu. Həmin oyunda ilk təhlükəli epizodları biz yaratdıq, amma bəxtimiz gətirmədi".
Qol.Az-ın "Report"a istinadən yaydığı xəbərə görə, bunu Avropa Liqasının qrup mərhələsinin son turunda Rusiya "Krasnodar"ı ilə oyundan 0:3 hesablı məğlubiyyətlə ayrılan "Qəbələ"nin futbolçusu Rəşad Sadiqov deyib.
Komandasının hücumlarından sonra rəqibin ayıldığını və "qırmızı-qaralar"da yorğunluğun hiss olunduğunu bildirən yarımmüdafiəçi yaxşı çıxış etmək üçün təcrübələrinin çatmadığını söyləyib: "Oyunda ilk təhlükəli epizodları biz yaratdıq, amma alınmadı. Nəticədə belə oldu. Ondan sonra komanda ayıldı və qələbə qazandılar. İlk dəfədir ki, qrup mərhələsində çıxış edirik. Üstəlik, komandada bir az yorğunluq da vardı. İki-üç gündən bir oyun keçiririk".
32 yaşlı futbolçu geridə qalan oyunlara baxanda peşman olduqlarını deyib:
"Krasnodarda daha yaxşı oynamışdıq. Hakim iki qolumuzu saymadı və bir dəfə də top tirə tuş gəldi. Çalışacağıq ki, Avropa Liqasında davamlı çıxış edək. Qrupa düşüb sonra kənarda qalmaq bir az pis görünür. Rəhbərliyin yaratdığı belə şəraitlə davamlı qrupda oynamalıyıq. Hər il olmasa da, ən azı iki mövsümdə bir dəfə komanda qrupa düşməlidir. Qrup mərhələsi çox yaxşı təcrübə oldu. Yaxşı nəticə qazana bilməsək də, mənə elə gəlir ki, yaxşı təcrübə topladıq. Bu da komandaya gələcək oyunlarda daha yaxşı çıxış etməkdə kömək olacaq".
R.Sadiqov komandadan ayrılacağı ilə bağlı yayılan xəbərlərə də aydınlıq gətirib: "Özüm də bu barədə mətbuatdan oxumuşam və bir az təəccübləndim. Rəhbərliklə də danışdım, mənim müqaviləm yaya qədərdir. Özümə də pis təsir etdi. Şoka düşdüm ki, müqaviləm əlimdə ola-ola yazırlarki müqavilə müddəti qurtardı. Yayda isə məşqçilər, rəhbərlik necə lazım biləcəksə, o da olacaq".
Qeyd edək ki, "Qəbələ" Avropa Liqasında qrup mərhələsini 2 xalla sonuncu pillədə tamamlayıb.
“Trabzonspor”dan inamlı qələbə
“Yuventus”dan heç-heçə, “Bayer” qalib gəldi
La Liqada səfər azarkeşləri üçün yeni qərar
"Karvan-Yevlax" belə məğlub oldu - Video
"Beşiktaş" - "Kristal Pelas": Heyətlər
Bruno Fernandeş tənqidinə görə cəzalanacaq?
“Bavariya”nın futbolçusu sıradan çıxdı
Çempionlar Liqasında həftənin rəmzi komandası açıqlandı
UEFA-dan Fəridə Lütfəliyevaya təyinat
"Gəncəbasar"ın 7 qollu qələbəsindən - Video
Çempionlar Liqasında həftənin oyunçusu bəlli oldu
1-ci liqada 6-cı tura yekun vuruldu
Sergen Yalçın rəsmən Türkiyə millisində - Video
"Keyn İngiltərə tarixinin ən yaxşısıdır"
UEFA “Trabzonspor”u cərimələdi və cəzalandırdı
"Mançester Yunayted"dən Kerrik qərarı
"Qalatasaray" - "Fənərbaxça" matçı ona tapşırıldı
Kurtuadan yeni müqavilə açıqlaması
Mourinyo "El-Klasiko"dan danışdı
"Sabah" "Qarabağ"dan bir addım irəlidədir" - Mütəxəssis rəyi
Misli Premyer Liqası: 9-cu turun hakimləri
