Sonuncu vəsiqə Uruqvaya qismət oldu (YENİLƏNİB)

DÜNYA FUTBOLU 19 Noyabr 2009 / 11:00 3551

- A +

Bu gün keçiriləcək 6 qarşılaşmadan sonra gələn il CAR-da keçiriləcək dünya çempionatının son 6 iştirakçısı da məlum olacaq. Qol.Az-ın məlumatına görə, Avropa qitəsindən mundiala vəsiqə qazanacaq 4 xoşbəxtin adı Ukrayna - Yunanıstan, Sloveniya - Rusiya, Fransa - İrlandiya və Bosniya və Hersoqovina - Portuqaliya qarşılaşmalarından sonra məlum olacaq.
Daha 2 qarşılaşmadan birincisi Sudanın Omdurman şəhərində Əlcəzair və Misir arasında əlavə oyun keçiriləcək. Gecə saat 3:00-da isə Uruqvay Montevideo şəhərində Kosta-Rikanı qəbul edəcək. İlk qarşılaşmada uruqvaylılar qalib gəliblər - 1:0.
Xatırladaq ki, mundialın 32 iştirakçısından 26-ı artıq məlumdur: CAR (təşkilatçı ölkə), İngiltərə, Almaniya, Hollandiya, İspaniya, İtaliya, Danimarka, Serbiya, Slovakiya, İsveçrə, Braziliya, Paraqvay, Çili, Argentina, ABŞ, Honduras, Meksika, Avstraliya, Yeni Zelandiya, KXDR, Cənubi Koreya, Yaponiya, Qana, Kamerun, Mərakeş, Fildişi Sahili.
Final mərhələsi gələn il 11 iyun - 11 iyul aralığında keçiriləcək.

Misir - Əlcəzair 0:1

Sudanda keçirilən qarşılaşmada Misirə yeganə qolla qalib gələn Əlcəzair millisi dünya çempionatına vəsiqə qazanan 27-ci komanda oldu.

Oyun başa çatdı.

İkinci hissə başladı.

Birinci hissə başa çatdı.

40. QOL. Yahia Əlcəzairi hesabda önə keçirdi.

Oyun başladı.

Ukrayna - Yunanıstan 0:1 (İlk oyun 0:0 )

Öz meydanında məğlub olan ukraynalılar dünya çempionatından kənarda qaldılar.

Oyun başa çatdı.

İkinci hissə başladı.

Birinci hissə başa çatdı.

Qapısında qol görən Ukrayna millisi dünya çempionatından kənarda qalmaq təhlükəsi ilə üzləşib. Ukraynalılar mundiala yollanmaq üçün indi artıq Yunanıstanı mütləq məğlub etməlidir.

31. QOL. Yunanıstan millisi hesabı açdı. Salpinginis fərqləndi.

Oyun başladı.

Sloveniya - Rusiya 1:0 (İlk oyun 1:2)

Rusiya millisi gözlənilmədən Sloveniyaya məğlub olaraq, dünya çempionatıdan kənarda qaldı.

Oyun başa çatdı.

90+2. Ruslar bu gün qol vura bilməsələr də, qırmızı vərəqə almaqla fərqləndilər. Bu dəfə də Jirkov meydandan kənarlaşdırıldı.

67.Kerjakov qırmızı vərəqə alaraq, komandasını çətin vəziyyətdə qoydu

İkinci hissə başladı

Birinci hissə başa çatdı.

44. QOL. Dediç meydan sahiblərini hesabda önə keçirdi.

Qarşılaşmanı canlı olaraq, stadiondan izləyənlər arasında Rusiya Federasiyasının prezidenti Dmitri Medvedev de var.

Oyun başladı.

Bosniya və Hersoqovina - Portuqaliya 0:1 (İlk oyun 0:1)

Portuqaliya millisi də mundiala vəsiqə qazandı.

Oyun başa çatdı.

56. QOL. Raul Merineş hesabı açdı.

İkinci hissə başladı.

Birinci hissə başa çatdı.

Oyun başladı.

Fransa - İrlandiya 1:1 (Əlavə vaxt) (İlk oyun 1:0)

İkinci əlavə hissə başa çatdı. Gərgin mübarizənin sonunda farnsızlar mundiala vəsiqə qazandılar.

İkinci əlavə hissə başladı.

Birinci əlavə hissə başa çatdı.

Bu nəticədə fransızları dünya çempionatına daşıyır. İrlandiya millisinin vuracağı 1 qol isə vəziyyəti 360 dərəcə dəyişə bilər.

103. QOL. Fransa millisi hesabı bərabərləşdirdi. Vilyam Qallas fərqləndi.

Birinci əlavə hissə başladı.

Lakin mübarizə hələ bitməyib. İki oyunun nəticəsinə görə hesab bərabərdir - 1:1. Buna görə də komandalar əlavə vaxtda mübarizə aparacaqlar.

İkinci hissə başa çatdı.

İkinci hissə başladı.

Birinci hissə başa çatdı.

32. QOL. Daha bir gözlənilməz qol. İrlandiya millisi hesabı açır. Kin fərqləndi.

Oyun başladı.

Uruqvay - Kosta Rika 1:1 (İlk oyun 1:0)

Qollar: Abreu 70 - Centeno 74

Sonuncu play-off matçında öz meydanında Kosta-Rikanı qəbul edən Uruqvay millisi 1:1-lik heç-heçəyə baxmayaraq, mundiala yollanan sonuncu komanda olub.

Beləliklə, Əlcəzair, Yunanıstan, Sloveniya, Portuqaliya, Fransanın ardınca Uruqvay millisi də dünya çempionatına vəsiqə qazandı. İştirakçıların tam siyahısı aşağıdakı kimidr: CAR (təşkilatçı ölkə), İngiltərə, Almaniya, Hollandiya, İspaniya, İtaliya, Danimarka, Serbiya, Slovakiya, İsveçrə, Braziliya, Paraqvay, Çili, Argentina, ABŞ, Honduras, Meksika, Avstraliya, Yeni Zelandiya, KXDR, Cənubi Koreya, Yaponiya, Qana, Kamerun, Mərakeş, Fildişi Sahili, Əlcəzair, Yunanıstan, Sloveniya, Portuqaliya, Fransa, Uruqvay

Daha çox