21.06.26
“Simurq”un prezidenti Zaur Məmmədov Qol.Az saytına müsahibə verib.
- “Xəzər Lənkəran”la oyundan artıq bir neçə gün keçib. Yəqin ki, matçın videoyazısına baxmısınız. Sizcə komandanın həmin gün böyükhesabla uduzmasının səbəbi nədir?
- Futbolda hər bir nəticəylə qarşılaşmaq mümkündür. Qalib də gəlmək olar, uduzmaq da. Ardıcıl beş qələbədən sonra komanda əvvəl-axır hardasa dayanmalıydı. Bu da “Xəzər Lənkəran”la oyunda baş verdi. Həm də ardıcıl çətin oyunlardan sonra komandada bir qədər yorğunluq yaranmışdı. 3 gündən bir oynamaq, futbolçuların fiziki cəhətdən axsamasına gətirib çıxarmışdı. Məhz sadaladığım bu səbəblərdən “Xəzər Lənkəran”a uduzduq.
- Qarşıda komandanı daha bir çətin oyun - “İnter”lə qarşılaşma gözləyir. Bu oyunun hazırlığı necə gedir?
- Hazırlıq normal keçir. Həmişəki qaydada hazırlaşırıq. Futbolçular da məsuliyyətlərini dərk edirlər. İnanırıq ki, “Xəzər Lənkəran”la oyunda buraxdığımız səhvlıəri bir daha təkrarlamayacağıq.
- Komandada heyətlə bağlı hansısa problem var?
- Problemlərimiz var. Bəzi futbolçular zədəlidir. Eyni zamanda komandamızın bir neçə üzvü də qripə yoluxub. Buna baxmayaraq, kimin oynayıb-oynamamasında asılı olmayaraq, uğurlu nəticə qazanmağa çalışacağıq.
- “Xəzər Lənkəran”dan alınan böyükhesablı məğlubiyyətdən sonra futbolçuları “İnter”lə matça psixoloji cəhətdən hazırlamaq çətin olmayacaq ki?
- Əlbəttə, məğlub olmuşuqsa, deməli komandada əhval-ruhiyyə yaxşı ola bilməz. Amma artıq növbəti oyunda bu məğlubiyyəti unutdurmağa çalışacağıq. Xatırlayırsınızsa, komandamız çempionata uğursuz start vermişdi. İki oyuna cəmi 1 xal toplaya bildik. Amma sonradan komanda özündə güc tapdı və çox uğurlu bir seriya yaxaladı. Budəfə də belə olacağına inanıram.
- Növbəti rəqib “İnter”dir. Bu komandayla qarşılaşmalardan öncə isə hər zaman “Simurq”un oyunu rəqibinə verəcəyi deyilir...
- Bütün bunlar yalandır. Bizim üçün rəqibin kimliyi heç vaxt önəm daşımayıb. “İnter” bizim üçün 11 rəqibdən biridir, vəssəlam.
- Sözünüzdən belə çıxır ki, “İnter”lə qarşılaşmada komandanız meydana qələbə üçün çıxacaq?
- Əlbəttə, başqa cür də ola bilməz. Bəyan edirəm - biz “İnter”lə oyunda meydana yalnız qələbə üçün çıxacağıq və bütün gücümüzü ortaya qoyacağıq ki, istəyimizə çataq. Yayılan şaiyələr isə boş söz-söhbətdir. Sizin timsalınızda bütün jurnalistləri Zaqatalaya dəvət edirəm. Gəlin və özünüz də şahid olun ki, komandamız meydanda “İnter”ə qarşı necə mübarizə aparacaq.
"Beşiktaş" 7 futbolçusunu göndərə bilər
Pelenin rekorduna yaxınlaşır
Mundialların "aqressiv" üçüncüsü oldu
"Ayntraxt" 18 yaşlı futbolçuya göz dikdi
FİFA bu matçla bağlı araşdırma aparmaqdan imtina etdi
Kovaçiç klubunu dəyişə bilər
Neymardan təqdirəlayiq addım
Növbəti mundiala hazırlaşırdı, istefaya göndərdilər
"Zirə"nin rəqibi bilindi
Braziliya - Yaponiya: Heyətlər
"Qalatasaray" onu hədəfə aldı
AFFA-da yeni təyinat - Şəkillər
DÇ-2026-dakı uğursuzluğa görə ölümlə hədələnir
"Çelsi" Mareska ilə bağlı bəyanat yaydı
"Mançester Siti" yeni baş məşqçisini açıqladı
“Qəbələ”dən mövsümün ilk transferi
"İmişli" Kaşkilya ilə yolları ayırdı
İtaliya klubunun yeni baş məşqçisi açıqlandı
DÇ-2026-darekord tamaşaçı sayı
Dünya Çempionatı 2026
Xəbərlər
Təqvim
Cədvəl