“Nə “Simurq” dağılacaq, nə də “İnter” – Ramin Musayev

“Nə “Simurq” dağılacaq, nə də “İnter” – Ramin Musayev
ÖLKƏ FUTBOLU 1 May 2015 / 16:37 4302
-  A +

“Simurq”a yeni sponsor tapacağıq”

Peşəkar Futbol Liqasının prezidenti Ramin Musayev maliyyə problemi ilə üzləşərək dağılmaq təhlükəsində olan “Simurq”dakı mövcud vəziyyətə münasibəti bildirib.

O, Qol.Az-ın müxbiri ilə söhbətində eyni problemlə üzləşən “Simurq” və “İnter”də vəziyyətin qaydasına düşəcəyini bildirib:

“Çempionatın sonuna beş tur qalmış bu söz-söhbətlərin yayılması xöşəgələn hal deyil. Nə “Simurq” dağılacaq, nə də “İnter”. Hər birinin öz sahibi var. Çempionatı normal başa vuracağıq. Gələn mövsüm üçün “Simurq”a yeni sponsor tapacağıq. Narahatlığa əsas yoxdur”.

R.Musayev Zaqatala təmsilçisinin lisenziyalaşdırma ilə bağlı da probleminin olmayacağını deyib: “Hələ ki, komandada qalacaq futbolçuların adları bəlli deyil. Klub prezidenti də sponsorla bağlı problem olduğu üçün qəti söz deyə bilmir. Ancaq növbəti mövsümdə “Simurq” çempionatda mübarizəni davam etdirəcək”.

Daha çox


Son xəbərlər