27.02.15
Azərbaycanlı futbolçu komik personajdır. O, 2015-ci ildə “google”un nə olduğunu bilmir, İspaniya çempionatının səviyyəsindən bixəbərdir, özü də 3 ay yarıma 3 klub dəyişib, hərəsində 3 yarım qol vurub, La Liqada oynayan gələcək komanda yoldaşını tanımır.
Azərbaycanlı futbolçu dərin psixoloji portretə malik personajdır. Riyaziyyatı heç sevməz; 1-dən 10-a qədər saymaq üçün əlində mütləq əskinaz sürüşdürməlidir. Fərq etməz hansı valyutada: manat, dollar, avro və ya İsrail şekeli. Pul olsun!
Azərbaycanlı futbolçu depressiv meylləri olan personajdır. 25 yaşında hər şeyi var: illik gəlir yüz minlə ölçülür, bütün məşğuliyyət və istirahət növlərini sınaqdan keçirib, “bahalı avtomobil – ticarət mərkəzi – çay evi” marşrutu onu bezdirib, yenilik tapmır. Beynəlxalq statistikaya görə, ən çox depressiyaya düşənlər cənubi koreyalılar və milyonçulardır.
Azərbaycanlı futbolçu dramatik personajdır; bir ölkədə doğulub, ikincidə böyüyüb, söhrəti isə üçüncüdə qazanıb. Əsl beynəlmiləlçi!
Azərbaycanlı futbolçu dəyişkən və sirli personajdır. Onun əhval-ruhiyyəsinin iki dövrü var: klubsuz və klublu vaxtlar; transfer pəncərəsinin açıq və qapalı olduğu dövrlər; kabinetlərdə və çayxanalardakı söhbətlər.
Azərbaycanlı futbolçu aldadılmış personajdır: imza atdığı sənəd həmişə onun əleyhinə çıxır.
Azərbaycanlı futbolçu faciəvi personajdır. Onu heç kim anlamır, o çox çalışır, amma bacarmır, o ərköyün və futbol biliyi sıfıra bərabər rəhbərinin əlində oyuncaqdır.
Azərbaycanlı futbolçuya hər yerdə rast gəlmək olar: “Böyük dayaq”da, “Oblomov”da, “Ölü canlar”da, “Lamançlı Don Kixot”da, hətta “Kafka”nın “Metamorfoza”sında. O bir obrazdır – onu bütün dünya tanıyır. O özü isə hələ də “La Liqa”da oynayan gələcək komanda yoldaşını tanımır.
Amma azərbaycanlı futbolçu həm də bu mətndə özünü tapmayanlardır. Onlar azlıqdır, onlar azərbaycanlı futbolçunun sifəti deyil, lakin onlar bu ölkədə futbolun tamamilə ölüb tarixə qarışmasının qarşısını alanlardır.
Bir gün onların çoxluq olması arzusu ilə...
Rüstəm ƏFSƏRLİ
Qurbanova GÖZƏL dəstək
Juninyo bu kluba satılır
Silva PSJ-nin baş məşqçisi olmaq arzusundadır
"Sabah" Tovuzdan 3 xalla qayıtdı - Video
Neymarın “Santos”la müqaviləsi ertələndi
FİFA Argentinanı DÇ-2026-dan uzaqlaşdıra bilər
Braziliya millisində Ançelotti dönəmi davam edəcək
“Şamaxı”nın qələbəsindən - Video
Premyer Liqanın ən sürətli qolunu vurdu
"Atletiko" doğma meydanda qələbə qazandı
“Bu səhvləri etməməli idik” - Kurban Berdiyev
"Şamaxı" "Zirə”yə, "Sabah" "Turan Tovuz"a qalib gəldi
Braziliyalı futbolçu karyerasını başa vurdu
Azərbaycan boksçusu dünya çempionu oldu
“Çelsi” bu dəfə niderlandlı futbolçunu hədəfə aldı