27.02.15
Onların (bir-iki istisna ilə) keçmişi olmayıb, gələcəyi isə dumanlı görünür. Onlar sosial baza (azarkeş) toplaya bilmir, bacarıqlı əllərdə siyasi və iqtisadi alətdir, qazanc yeri, şantaj obyektidir. Onlar çox istedadı məhv eləyib, çox əbləhin cibini doldurub. Onlar transfer siyasəti ilə keyfiyyətsiz futbolçunun bazar qiymətini kəllə-çarxa qaldırıb, reklam siyasəti ilə isə idman mətbuatını ərköyünləşdirib, savadsızlaşdırıb, acgözləşdirib.
Və əgər bu gün futbolçu “filan qədər ver, yoxsa gedərəm”, agent “filan qədər ver, yoxsa gətirmərəm”, jurnalist “filan qədər ver, yoxsa yazaram” deyirsə, bunun günahkarı elə onlardır. İşlək mexanizm olmayan və 80-90-cı illərin “yapışdın, qopar” dünyagörüşü ilə formalaşan nəsil tərəfindən idarə edilən zombi Azərbaycan klubları.
Mətbuatın “Elnur Abdullayev – “Xəzər Lənkəran” münasibətlərini həzm etməyə çalışdığı vaxtda sualım bütün klublaradır: kimə “əfsanəmizdir!” deyə bilərsiniz?
10 il futbolda az müddət deyil. Bu 10 ildə “Ayaks” Ueslin Sneyderdən Deyli Blində qədər üç nəsil yetişdirib satıb, “Barselona”nın inqilabi “tiki-taka”sı yaranıb, çiçəklənib və solub, Gəncə iki dəfə Azərbaycan futbolunda görünüb və üfüqdən itib. Vaxtilə sehrbaz sayılan məşqçilər isə məqsədi-məramı bilinməyən komitənin adi üzvlərinə çevrilib.
“Futbolun İnkişafına dair Dövlət Proqramı”nın qüvvədə olduğu bu 10 ildə əsası qoyulan uşaq futbol məktəbləri isə Avropanı maraqlandıra biləcək cəmi üç-dörd ortabab futbolçu yetişdirib. Onlar da “yarımçıq”. Amma legionerlərin sayı-hesabı yox, məşqçilərə/futbolçulara/agentlərə xərclənən və ciblərə axan əskinazlar sel-su kimi.
Bir siyahı var, həmişə ona baxanda şənlənirəm: Azərbaycanın yüksək liqasında ən çox oyun keçirən futbolçular. Görmüsünüzmü onu? 1-ci yer – Azər Məmmədov. Hansı komandanın əfsanəsidir? “Kəpəz”? “Şəmkir”, yoxsa “Qarabağ”? Bəs 6 fərqli komanda ilə 10 dəfə çempion olmuş Mahmud Qurbanov?
Ölkə necədirsə, vətəndaşı da o cürdür. Futbol necə idarə olunursa, futbolçusu da, məşqçisi də, funksioneri də elə yetişir. “Yapışdın, qopar” prinsipi ilə.
Amma yaxşı cümlədir, deyilmi? “Filan qədər pul ver, yoxsa...”
Nöqtələrin yerini özünüz doldurun.
Rüstəm ƏFSƏRLİ
"Bavariya"ya keçir
"Turan Tovuz" hazırlıqlara başladı
Azərbaycan şahmatçısı Özbəkistanda 1-ci oldu
Noyer millinin tarixinə düşdü
"Şamaxı" yeni transferini açıqladı
Azərbaycan millisi Avropa kubokunun finalında
“Real” Kukurelyanı gətirir
Almaniya və Kurasao millilərinin start heyətləri açıqlandı
"Mançester Siti"də 5 illik müqavilə
Rüştü Reçberin uğurunu təkrarladı
Arda Güler hakim qərarından narazı qaldı
FİFA ulduzu çıxarmağı tələb etdi
"Tottenhem"də qalır
Dünya çempionatında rekord qırdı
Azərbaycanın 8 şahmatçısı dünya çempionatına yollandı
Arda Turan Ukraynada mövsümün ən yaxşı məşqçisi seçildi
ABŞ-a buraxılmayan hakim bütün mükafatını alacaq
"Bəzən şillə yemək ayağa qalxmaq üçün yaxşıdır" - Çalhanoğlu
Ranqniklə müqavilə uzadıldı
Azərbaycandan getdi, çempionla müqavilə bağladı
Türkiyədən məyusedici başlanğıc - Video
"Şamaxı"dan ayrıldı, Ermənistan klubuna keçdi
İngiltərə millisinə tornado xəbərdarlığı edildi
"Növbəti matçda daha yaxşı oynayacağıq" - Montella
Braziliya - Mərakeş oyunundan - Video
“İsveçrə ilə matçda komandamla qürur duydum”
Vinisius oyunun ən yaxşısı seçildi - DÇ-2026
Məğlubiyyətdən son anda qurtuldular
Azərbaycan milliləri yarımfinalda
Hökumətdən sərt addım - DÇ-2026 matçlarını izləməyəcəklər
"Şamaxı"da baş məşqçinin köməkçiləri müəyyənləşdi
Rosenior Fransadan gələn təklifi rədd etdi
Dünya Çempionatı 2026
Xəbərlər
Təqvim
Cədvəl