17.08.26
Azərbaycan Premyer Liqasının 6-c turunda "Qarabağ" öz meydanında "Simurq"a 1:0 hesabı ilə qalib gəldi. Ağdam təmsilçisinin yeganə qolunun müəllifi Vüqar Nadirov Qol.Az saytına müsahibəsində "Simurq"la oyun və növbəti turda "Neftçi" ilə keçiriləcək qarşılaşma haqda danışıb.
- Son altı qarşılaşmada "Simurq"a qalib gələ bilmirdiniz. Bu dəfə oyun necə keçdi?
- "Simurq" yaxşı komandadır. Ötən mövsüm bu rəqiblə dörd qarşılaşmanın heç birində qalib gələ bilmədik. Hətta bir dəfə məğlub olduq. Şükürlər olsun ki, bu sindromu qırdıq. "Simurq" fiziki cəhətdən güclüdür. Amma onları yaxşı təhlil etdiyimiz üçün bizə çətin olmadı.
- Avroliqa oyunları ilə bağlı komandanızda yorğunluq hiss olunur?
- Çoxları düşünürdü ki, Avroliqaya görə çempionat oyunlarına önəm verməyəcəyik. Ancaq biz çempionatdakı oyunlarımıza da var gücümüzü qoyuruq. Çünki bu mövsüm də hədəfimiz böyükdür. Geniş heyətimiz var. Gördüyünü kimi, çempionatda fərqli heyətlə mübarizə aparırıq. Buna görə də heç bir yorğunluq yoxdur.
- "Sent Etyen", eləcə də digər Avroliqa oyunlarınızda stadion azarkeşlərlə tam doldu. Çempionat oyunlarına isə cəmi 200-300 azarkeş gəlir. Bu hal sizə necə təsir edir?
- Başa düşürük ki, azarkeşlər çox olsa, yaxşı olar. Ancaq heç kimi qınamaq olmur. Hamı öz işi ilə məşğuldur. Hərə bir iş dalınca gedir. Belə şeyləri nəzərə alanda azarkeşləri başa düşürük. Bilirik ki, onların ürəyi bizimlədir. Avroliqa oyunlarında isə imkan tapıb, gəlirlər.
- Görürük ki, 90 dəqiqə meydanda olduğun oyunların çoxunda qol vurursan. Demək olarmı Vüqar Nadirov son vaxtlar az oynadığı üçün az qol vurur?
- Bəlkə də belə də demək olar. Meydanda olduğum müddətdə çalışıram ki, komandama xeyirim dəysin. Həmişə qol vurmağa can atıram. Ancaq əsas olan komandamızın qələbəsidir. Qolu kimin vurmağı az əhəmiyyət daşıyır.
- Növbəti turda rəqibiniz "Neftçi"dir. Bu oyuna da maraq böyükdür.
- İndidən deyə bilərik ki, "Neftçi" ilə görüşümüz çox maraqlı olacaq. Həmişə bu iki komanda arasında baxımlı qarşılaşma olub. "Neftçi"yə qarşı oyunda azarkeşlərimiz də çox olur.
- Avroliqanın qrup mərhələsində sizi İtaliya "İnter"lə çətin səfər oyunu gözləyir. Bu görüş haqda düşünməyə başlamısınız?
- Əlbəttə ki, "İnter"lə bizi necə oyun gözlədiyini bilirik. Ancaq indidən bu haqda çox da düşünmürük. Hazırda əsas planımız, məqsədimiz "Neftçi"yə qalib gəlməkdir. Çünki qələbə qazansaq, "İnter"lə oyuna da yaxşı motivasiya olarıq.
Ramiq AĞAMƏMMƏDOV
La Liqada 400-cü oyun
Simiç tarixə belə düşdü
Avropa Liqasında 12 oyun
Stadionda meyit tapıldı
Qırmızı vərəqə ona baha başa gəldi
Premyer Liqadan getdi, ərəb klubuna keçdi
"Qarabağ" - "Tvente" matçının biletləri satışa çıxarıldı
"Hapoel" - "Sabah" matçının heyətləri açıqlandı
PSJ-nin matçı təxirə salına bilər
“Qalatasaray” onu hədəfə aldı
Güləşçimiz dünya çempionu oldu
Borclara görə klubu sərt cəza gözləyir
Manedən doğma ölkəsinə böyük yatırım
Harri Keyndən ikinci “Qızıl buts” - Şəkil
Meydana daxil olan azarkeş Qattini zədələdi
“Komandamızda “Qarabağ”la oyunun həyəcanı çox böyükdür”
La Liqada yeni mövsümün ilk oyununu buraxacaq
Luka Modriçin qızı “Real”ın akademiyasına qoşuldu
"Fənərbaxça"dan Premyer Liqa klubuna - Rəsmi
"Aston Villa" iki transfer açıqladı
