07.04.26
"Qarabağ" klubunun kapitanı Rəşad Sadıqov Çempionlar Liqasının III təsnifat mərhələsinin "Zalsburq"a qarşı keçirdikləri ilk oyundan (2:1) sonra Qol.Az saytının suallarına cavab verib
- Oyun haqda fikirlərini bilmək istərdik?
- Özünüz də gördünüz ki, "Zalsburq" çox güclüdür. Həm sürətli, həm də texnikalı futbola üstünlük verirlər. Rəqibi düzgün analiz edib, yaxşı hazırlaşmışdıq. İkinci hissədə "Zalsburq"un bir neçə qol imkanı oldu. Azlıqda qalmaq planlarımız bir qədər pozdu. On nəfərlə qaldıqda müdafiədə olan boşluqları doldurmaq çətin olur. Ancaq şükürlər olsun ki, Admir Telinin qırmızı vərəqə alsa da, 15 dəqiqə sonra komanda yenidən özünü toparladı. Cəmi bir səhv buraxdıq ki, o da qolla nəticələndi. Yenə də qələbə qolunu vura bildik.
- Hakim açıq futbola imkan vermirdi tez-tez oyunu saxlayırdı. Onun verdiyi qərarlara münasibətin necədir?
- Artıq Çempionlar Liqasının III təsnifat mərhələsində çıxış edirik. Bu mərhələdə təcrübəli hakimlər olur. Epizodlara təkrar baxdıqdan sonra şərh verə bilərəm. Oyun zamanı baş verənləri yaxşı görə bilmədim.
- İkinci hissədə müdafiəyə çəkilməyiniz nədən irəli gəlirdi?
- Ümumiyyətlə, ilk hissədən müdafiəyə daha çox fikir verirdik. Çünki belə rəqiblə oyunda müdafiə olunmasan da, onlar səni buna məcbur edir. "Zalsburq"un çox güclü hücum xətti var. Ancaq ikinci hissədə iki müdafiəyəmeyilli futbolçumuz Qara Qarayev və müdafiəçimiz Admir Telinin meydanda olmaması işimizi çətinləşdirdi və istədiyimiz kimi müdafiə oluna bilmədik.
- Cavab qarşılaşmasında Reynaldonun olmaması "Qarabağ" üçün nə dərəcədə çətin olacaq?
- Düzdür, Reynaldo "Qarabağ" üçün çox iş görür, komandanın aparıcı futbolçularından biridir. Ancaq son vaxtlar çox yaxşı formada olan Vüqar Nadirovumuz da var. Məncə, Vüqar Reynaldonu layiqincə əvəz edəcək.
- Uzun müddətdir meydan çıxmırdın. Öz oyundan razı qaldın?
- Öz oyunumdan razı qalmağıma hələ çox var. Demək olar ki, cəmi 3-4 gündür komanda ilə məşq etməyə başlamışam. Artıq iki aydır zədədən əziyyət çəkirəm. Bu, uzun bir müddətdir. Formamı bərpa etmək üçün zaman ehtiyac var.
- Ehtiyat oyunçular skamyasından futbolçulara göstərişlər verirdin. Müdafiəçilərdən narazı idin?
- Xeyr, mən onlara göstəriş vermirdim, ruhlandırırdım. Səhv olanda da bildirirdim ki, əladır. Yəni komandanın ürəkli oynamasına çalışırdım. Meydanda olanda da bunları edirəm. Futbolçularımız bir səhv edəndə onları ruhlandırmağa çalışıram.
- "Qarabağ"ın müdafiəçiləri necə təsir bağışladı?
- Müdafiə xəttimizi çox yaxşı dəyərləndirirəm. Admir Telinin qırmzı vərəqə almasına qədər müdafiəmiz əla idi.
- Gözlədiyiniz "Zalsburq" bu idi?
- Demək olar ki, elə gözlədiyimiz kimi oynadılar. Rəqibin bir çox oyunlarını analiz etmişdik. Bilirdik ki, çətinliklə üzləşəcəyik
- Cavab qarşılaşması haqda nə düşünürsən?
- Rəqibin oyununa və gücünə artıq bələdik. Bilirik ki, nəyə qadirdirlər. Həmişə Allaha güvənmişik. Səfər oyununda da yaxşı nəticəyə ümid edirik. Qarşıda bizi daha çətin oyun gözləyir. Çalışacağıq ki, vətənə yaxşı nəticə ilə qayıdaq və bizi dəstəkləyən çoxsaylı azarkeşlərimizi sevindirək.
Ramiq AĞAMƏMMƏDOV
Uğursuz mövsüm "Nyukasl"a baha başa gələ bilər
Bu stadion Mirça Luçeskunun adını daşıyacaq
İspaniya çempionatı matçlarının yeri dəyişdirilir?
Millinin yeni baş məşqçisi bəlli oldu
DÇ-2026 matçlarını rekord sayda hakim idarə edəcək
Salah "Qalatasaray"a keçir?
“Bu matçın xeyrini gələcəkdə görəcəyik”
"Qızıl top" namizədləri: Keyn, Mbappe...
Azərbaycan millisi Gürcüstana uduzdu
ÇL-də həftənin rəmzi komandasında kimlər var?
Lider "Şəfanın" qələbəsindən - Video
"Yuventus" Spalletti ilə bağlı qərar verdi
ÇL-də həftənin ən yaxşı oyunçusu bilindi
Azərbaycan millisinin məşqçisi Norveç klubunun düşərgəsində
"Çelsi" baş məşqçini göndərə bilər
"Barselona" Avropada liderdir
1-ci liqada 2 turun oyun cədvəli açıqlandı
"Milan" Qoretzkaya müqavilə təklif etdi
Tahir Gözel "Azərsun Holdinq"in yeni rəhbəri oldu
Tərlan Quliyev mükafatlandırıldı
İki komandaya texniki məğlubiyyət verildi
“Karvan-Yevlax” - “Kəpəz” oyununun hakimləri açıqlandı
Andrey Demçenko cəzalandırıldı
AFFA-dan klublara cəza və cərimələr
1 açıqlama, 15 min manat cərimə - Video
Luis Enrike: "PSJ-ni "Enfild"də əzab-əziyyət gözləyir"
Arne Slotdan etiraf
Avrokubokların oyunları bu kanallarda
Arda Turandan "AZ Alkmaar" oyunu öncəsi - Açıqlama
20 il sonra “Kamp Nou”da
