Fevralın 7-də Soçidəki “Fişt” stadionunda XXII Qış Olimpiya Oyunlarının açılışı mərasimi keçirilib. Rusiya prezidenti Vladimir Putin Soçi Qış Olimpiya Oyunlarını açıq elan edib.
Mərasimdə Azərbaycan Respublikasının Prezidenti, Milli Olimpiya Komitəsinin rəhbəri İlham Əliyev və xanımı Mehriban Əliyeva iştirak ediblər. BMT Baş katibi Pan Gi Mun, Çin Xalq Respublikasının sədri Xi Jinping, Türkiyənin baş naziri Rəcəb Tayyib Ərdoğan da tədbirə gələn dünya liderləri sırasındadırlar.
XXII Qış Olimpiya Oyunlarının açılışı mərasiminə start verildikdən sonra iştirakçı ölkələrin ənənəvi paradı olub. Azərbaycan komandası dördüncü keçib. Ölkəmizin bayrağını Patrik Braxner aparıb.
Azərbaycan Respublikasının Prezidenti, Milli Olimpiya Komitəsinin rəhbəri İlham Əliyev və Mehriban xanım Əliyeva fəxri qonaqlar üçün tribunadan idmançıları salamlayıblar.
Açılış mərasimində bir problem də yaşanıb. Belə ki, olimpiya oyunlarının rəmzi olan 5 halqadan biri texniki səbəblərdən açılmayıb.
Rusiya bu oyunlara 50 milyard dollar pul xərcləyib.
XXII Olimpiya Oyunları bir neçə göstərici üzrə rekord olacaq. Belə ki, Soçidə 88 ölkənin nümayəndələri çıxış edəcəklər ki, bu da dörd il bundan əvvəl Vankuverdə keçirilmiş oyunlardan 6 ölkə çoxdur. Ümumiyyətlə, 98 mükafat dəsti uğrunda mübarizə gedəcək. Bu, 2010-cu ildəkindən 12 dəst çoxdur.
Olimpiadada ən çox idmançı ilə ABŞ təmsil olunur. Təxminən 230 amerikalının qatıldığı möhtəşəm oyunlarda ev sahibi Rusiya 225 atletlə yarışır.
İndiki Qış Olimpiadası Azərbaycan yığması üçün beşinci olimpiadadır. Soçidə ölkəmizi idmanın iki növündə yarışacaq 4 idmançı təmsil edir. Belə ki, kişilər arasında dağ xizəksürmə yarışlarında Azərbaycanı Patrik Braxner və Sedrik Hots təmsil edəcəklər.
Bundan başqa Soçidə fiqurlu konkisürmə yarışlarında idman rəqslərində Yuliya Zlobina və Aleksey Sitnikov Azərbaycan bayrağı altında çıxış edəcəklər.
Olimpiadanın rəsmi talismanı ağ ayı, dovşan və bəbirdir.
Fevralın 7-də başlayan Soçi Qış Olimpiya Oyunları fevralın 23-dək davam edəcək.
Olimpiadada təhlükəsizliyə güc strukturlarının 70 min nəfərlik qüvvəsi nəzarət edəcək.
Mənbə: Modern.az
"Barselona"dan "Bayer"ə
ETOPAZ-dan böyük sürpriz
Türkiyə Çexiyaya qarşı
UEFA Erikseni seçdi
"Sumqayıt"ın hazırlıq planı müəyyənləşdi
Fransa - Polşa oyununun ən yaxşısı odur
Sabitzer ən yaxşı oldu
Güləşçilərimizdən 1 gümüş, 3 bürünc medal
"Roma" De Rossi ilə müqaviləni uzatdı
"Zirə" Rumıniya klubuna qalib gəldi
Messi azarkeşlərini torta qonaq etdi
Dünyanın ən yaşlı futbolçusu klubunu dəyişdi
Ukraynaya qarşı oynamayacaq
PSJ-dən Kvaratsxeliyaya 5 illik müqavilə
Neymar Vinisiusu ən çirkin futbolçu adlandırdı
"Turan Tovuz" Rusiya millisinin sabiq üzvünü transfer etdi
Almaniya millisinin ağcaqanad problemi
"Qəbələ"də yeni məşqçi təyinatı
AFFA iki komandaya texniki məğlubiyyət verib
İlk depozitdə 100 faiz Free Bet qazanmaq şansını qaçırma!