16.11.18
“Neftçi” sabiq qapıçısı Conni Leoni haqqında son vaxtlar mətbuatda yayılan xəbərlərə münasibət bildirib. Klubun vitse-prezidenti Tahir Süleymanov Qol.Az saytının müxbiri ilə söhbətində deyib ki, Leoni ailə probleminə görə öz ölkəsinə gedib: “Sonradan o, rəsmi olaraq kluba bildirib ki, müqaviləsi birtərəfli olaraq ləğv edilsin. Leoni Kiprin “Omoniya” klubundan icarə əsasında transfer olunub. Bu barədə Kipr klubunu da rəsmi olaraq məlumatlandırmışıq. Artıq bu futbolçu “Omoniya” klubunun maraq dairəsində olmalıdır”.
Klub rəsmisi Leoninin transfer qiymətinin yarım milyon dollar olması haqda fikirlərə də toxunub: “Bizim klubun qapıları hər kəsin üzünə açıqdır. “Neftçi” Azərbaycanda ilk komandadır ki, UEFA yarışından kluba milyonlarla vəsait qazandırıb. Biz sübut edə bilərik ki, Leoni yarım milyon dollara alınmayıb. Ümumiyyətlə “Neftçi”də yarım milyonluq oyunçu yoxdur”.
T.Süleymanov hazırda əsas heyətdə çıxış edən Saşa Stamenkoviçin layiqli əvəzləyicisinin olduğunu qeyd edib: “Neftçi” bu gün bir sıra gənc yerli futbolçuları heyətində oynadır. Bunlardan biri də qapıçı Emil Balayevdir. O, kifayət qədər istedadlı futbolçudur. Bundan başqa icarə əsasında “Simurq”da oynayan qapıçımız Eyyub Əliyev də var. “Simurq”da çıxış edən Nicat Qurbanov da müqavilə ilə “Neftçi”yə məxsusdur. Həmçinin “Sumqayıt”da oynayan Vitalik Alxasov da “Neftçi”nin gələcəyidir. Məncə, yerli futbolçuları hazırlamaq lazımdır. Legionerlərə üstünlük vermək düzgün deyil. Bu, mənim şəxsi fikrimdir”.
Mbappe zədəsini sağaltdı
Belhanda klubunu dəyişdi
"Bavariya"da ciddi itki
Tunis millisi yeni baş məşqçisini açıqladı
“Mançester Yunayted” qışı transfersiz başa vuracaq?
Afrika Kubokunda gərgin anlar: Salah hər kəsi qəzəbləndirdi
"Liverpul" onun üçün sərvət ödəməyə hazırdır
Superliqa klubu 2 futbolçusunu göndərdi
