16.11.18
Topaz Premyer Liqanın 29-cu turunda “Qarabağ”la oyunda qələbə qazanan “Neftçi” çempionluğun bir addımlığındadır.
Qol.Az-ın məlumatına görə, ən yaxın izləyicisi “Qarabağ”ı altı xal geridə qoyan paytaxt təmsilçisinin son üç turda altı xal itirəcəyi real görsənmir. “Neftçi” bu həftə öz meydanında “Simurq”la qarşılaşır, gələn həftə “Qəbələ”nin qonağı olur, son turda isə “Bakı”nı qəbul edir.
Hazırkı vəziyyətdə “Neftçi”nin çempionluğu ən çox onun əzəli rəqibi “Xəzər Lənkəran”ın işinə yarayır. Məsələ burasındadır ki, bu komandaları kubokun finalında bir-biriylə oyun gözləyir. “Xəzər Lənkəran” qələbə qazanacağı təqdirdə həm də Avroliqada oynamaq hüququ əldə edəcək. Amma onlar hətta finalda uduzsa belə, bu il Azərbaycanı Avroliqa yarışında təmsil edəcək. Bunun üçün isə “Neftçi”nin çempion olması əsas şərtdir. Çünki mövcud qaydalara əsasən, çempion komanda həm də kuboku qazanarsa, o zaman Avroliqaya kubokun sahibi qismində məhz məğlub olan komanda gedir. Kubokun qalibi olmuş çempion komanda isə Çempionlar Liqasında yarışır.
Beləliklə, indiki halda Avroliqaya dördüncü vəsiqəyə ən real namizəd “Xəzər Lənkəran”dır. Cənub təmsilçisinin bu il Avroliqada oynamaması üçünsə cəmi bir ehtimal var ki, onun da gerçəkləşməsi möcuzə kimi görsənir: çempion “Neftçi” yox, “İnter” və ya “Qarabağ” olur, “Xəzər Lənkəran” isə kubokun finalında uduzur. Bu halda Avroliqaya Topaz Premyer Liqanı dördüncü pillədə başa vuracaq iki komandadan biri – “Bakı” və ya “Simurq” gedəcək. Amma bunun baş verməsi ehtimalı, qeyd etdiyimiz kimi çox azdır.
Beləliklə, “Neftçi”nin çempion olacağı halda, bu komanda ölkəmizi Çempionlar Liqası, “Qarabağ”, “İnter” və “Xəzər Lənkəran” isə Avropa Liqasında təmsil edəcək.
Flik çempionluğa inanır
"Real" hakimlik islahatlarından imtina etdi
"Hər oyun bizim üçün final kimidir" - Yuri Vernidub
Torres dubl etdi, "Barselona" qələbə qazandı
"Avrokubok üçün mübarizə davam edir" - Vadar Nuriyev
"İnter"ə keçə bilər
"Sabah" - "Zirə" matçında vurulan 4 qol - Video
"Neftçi"dən qələbə, "Qarabağ" və "Sabah" xal itirdi
Yamal yenə rəqiblərini geridə qoydu
"1 xal üçün çox sevinirik" - Rəşad Sadıqov
Premyer Liqada rekorda imza atdı
"Yuventus"u çətin sınaq gözləyir
"Şamaxı" - "Qarabağ" matçından - Video
"Bəlkə də ilk dəfədir çalışdığım klubdan rahat gedirəm"
"Neftçi" - "Araz-Naxçıvan": Heyətlər
