Bu gün “Tour d’Azerbaidjan” beynəlxalq velosiped turuna start verilib. Qol.Az-ın məlumatına görə, 5 mərhələdən ibarət olan yarışın ilk mərhələsi Bakıda baş tutub.
25 komandanın iştirakı ilə keçirilən yarış Heydər Əliyev Mərkəzinin qarşından başlayıb. İştirakçılar Heydər Əliyev prospekti ilə metronun “Koroğlu” stansiyası arasında 11 dəfə dövrə vurduqdan sonra yenidən ilk nöqtəyə qayıdıblar. Marşrutun ümumi uzunluğu 157 km təşkil edib.
Ölkəmizi bu yarışda təmsil edən "Synergy Baku" ilk mərhələdə qələbəyə sevinib. Belə ki, komandamızın üzvü Kristof Şvaytser məsafəni 1-ci qət edərək finiş xəttinə hamıdan tez çatıb. Artıq 4-cü dövrədən liderliyi ələ alan təmsilçimizin qələbəsi ona çətin başa gəlib.
Uzun müddət liderlər qrupunda yer alan Kristof sonradan onlardan geri də düşüb. Lakin özündə güc tapıb yenidən liderlər qrupuna qoşulan idmançımız sonda istəyinə də çataraq mərhələnin qalibi olub. “Atlas”ın üzvü Maksim Averin 2-ci, “Rabobank”lı Martin van Treyl 3-cü olub.
Bununla da, Şvaytser liderin daşıdığı mavi, ən yaxşı sprinterə verilən yaşıl formanı ələ keçirib. Ən yaxşı dağ yürüşçüsü kimi qırmızı forma isə “Efapel”in üzvü Sezar Fontenə verilib.
Qeyd edək ki, sabah velosipedçilər yeni yaradılmış velosiped parkından start götürərək, Böyük Qafqaz sıra dağları istiqamətində yola düşəcəklər. 183 km qət etdikdən sonra İsmayıllıda finiş xəttini keçəcəklər. Mayın 3-də yarış iştirakçıları Qəbələdən start götürərək, Oğuzdan keçməklə Şəkiyə yollanacaq, oradan isə yenidən başlanğıc nöqtəyə (165 km) qayıdacaqlar.
4-cü mərhələdə Qəbələdən start götürərək, İsmayıllını keçməklə Şamaxıya yürüş olacaq. İdmançılar 116 km məsafə qət edib, dəniz səviyyəsindən təxminən 1450 m hündürlükdə yerləşən Pirqulu rəsədxanasının yaxınlığında, Vergilər Nazirliyinin Tədris Mərkəzinin qarşısında finiş xəttini keçəcəklər. 146 km uzunluğu olan son mərhələ (5 may) Azadlıq meydanından başlayaraq, Bakının mərkəzi küçələri və prospektlərindən keçərək, Hökumət Evinin qarşısında başa çatacaq.
"Real"dan gedəcək?
Messidən sərt tələb
“Komandanın hazırkı vəziyyəti məni qane edir” - Rui Jorje
Qrizmann ilin ən yaxşı futbolçusu seçildi
34 yaşında karyerasını bitirdi
Azərbaycan millisi İraqla qarşılaşdı
Yığmamız Farer adalarına qalib gəldi
Yüksək maaşı İngiltərəyə dönüşünə mane olur
Yalnız ÇL-də çıxış edəcək kluba keçməyə hazırlaşır
"Xankəndi"nin evdəki ilk oyununa maraq necədir?
Azərbaycanın U-21 millisi Omana qalib gəldi
Vinisius baş məşqçidən narazı qaldı
“Mançester Yunayted” onu hədəfə aldı
“Araz-Naxçıvan”ın zədəli futbolçusundan xəbər var
Qazaxıstan millisinin baş məşqçisi ilə müqavilə uzadılmadı
Braziliya Sinqapura 7 qol vurdu
Nurmaqomedovlar həbsdən azad edildilər
Azərbaycan millisi seçmə mərhələdə ilk xalını qazandı
1-ci liqada oyunların saatı açıqlandı
Orsatonun gəlişindən sonra qayda pozuntularının sayı azalıb