Böyük Britaniyanin paytaxtı Londonda "Heydər Əliyev kuboku – 2013” beynəlxalq mini futbol turniri çərçivəsində ölkə üzrə milli seçim turlarına start verilib. Qol.Az-ın məlumatına görə, əvvəlki illərdən fərqli olaraq, bu dəfə daha böyük miqyasda keçirilən və səkkiz ölkəni əhatə edən turniri Azərbaycanın Gənclər və İdman Nazirliyi, Rusiyanın Azərbaycanlı Gənclər Birliyi və Britaniyanın Odlar Yurdu Təşkilatı həyata keçirir. Turnirin London turu Azərbaycanın Böyük Britaniyadakı səfirliyinin dəstəyi ilə reallaşıb.
Ümummilli lider Heydər Əliyevin 90 illik yubileyinə həsr olunmuş turnir çərçivəsində keçirilən London yarışında müxtəlif millətlərdən ibarət həvəskar komandalar güclərini sınayıblar. Yarışda iştirak edən komandaların üzvləri arasında ingilis, ispan, serb, Ukrayna, rus, Litva, Bosniya və s. dillərdə danışan futbolçular görmək mümkün idi. Turnirin açılış mərasimində çıxış edən Odlar Yurdu Təşkilatının sədri İlham Nağıyev ənənəvi "Heydər Əliyev Kuboku” beynəlxalq mini futbol turnirinin bu il Ümummilli liderin 90 illik yubileyinə həsr olunduğundan daha da geniş miqyasda keçiriləcəyini söyləyib. Turnirin Avropada Azərbaycan icmalarının əməkdaşlığının inkişafı, diaspor nümayəndələri arasında əlaqələrin genişləndirilməsi və Ümummilli lider Heydər Əliyev ideyalarının diasporanın gənc nəslinə çatdırılması baxımından xüsusi rolu olduğunu vurğulayıb. Təşkilat rəhbəri diqqəti komandaların milli tərkibinə yönəldərək belə bir turnirin Azərbaycanın tolerantlıq mədəniyyətini bir daha göstərdiyini deyib. Bundan sonra turnir çərçivəsində oyunlara start verilib.
Turnirin yalnız həvəskar gənclər arasında keçirildiyini nəzərə alaraq, gərgin mübarizə şəraitində keçən oyunlarda iştirak edən müxtəlif komandaların üzvləri peşəkar futbolçulardan heç də geri qalmadıqlarını göstəriblər. Sonda Bosniyadan olan komanda xal hesabı ilə qalib gələrək, turnirin ümummilli lider Heydər Əliyevin ad günü ərəfəsində Bakıda keçiriləcək “Böyük Final” mərhələsinə vəsiqə qazanıb. İlk 3 yeri tutan komandalara medallar, qalib komandaya “Heydər Əliyev Kuboku” təqdim olunub. Turnirdən məğlub olan komandalar da əliboş qayıtmayıb, onlara həvəsləndirici hədiyyələr təqdim edilib. Mükafatlandırma mərasimində çıxış edən Azərbaycan Respublikasının Böyük Britaniya və Şimali İrlandiya Birləşmiş Krallığındakı səfiri Fəxrəddin Qurbanov turnirin əhəmiyyətindən danışaraq, onun səfirlik və Odlar Yurdu Təşkilatı tərəfindən 2008-ci ildən etibarən ardıcıl olaraq 6 ildir ki keçirildiyini və ənənə halını alan “Heydər Əliyev Kuboku”nun Azərbaycanın dünyada tanıdılması işində böyük rolu olduğunu vurğulayıb. Çıxışının sonunda səfir gənclərə Ulu Öndərin Azərbaycan dövləti və millətinə verdiyi böyük töhfələri xatırladıb.
Xatırladaq ki, ümummilli lider Heydər Əliyevin 90 illik yubileyinə həsr olunan turnir 8 ölkədə- Böyük Britaniya, Almaniya, Avstriya, Cexiya, Rumıniya, Litva, Ukrayna və Rusiyada keçirilir. Hər bir ölkədə 8 komanda öz aralarında yarışır və qalib komanda Bakıya gələrək “Böyük Final” oyununda iştirak hüququ qazanır. “Böyük Final”ın mayın ikinci yarısı keçirilməsi nəzərdə tutulur.
Renat Dadaşov "Başakşehir"ə qol vurdu
"Milan" "Yuventus"la heç-heçə etdi
İstanbul derbisində "Fənərbaxça" qələbə qazandı
"Avrokuboklara getməmək dünyanın sonu deyil" - Şahin Diniyev
"Sabah" "Səbail"i belə məğlub etdi - Video
"Mançester Yunayted"dən heç-heçə
"Sabah" "Səbail"ə qalib gəldi
Elcan Hacıyev Avropa çempionu oldu - Yenilənib
Krivostyukun komandasından qələbə
"Liverpul"dan xal itkisi
"Sabah" - "Səbail": Heyətlər
Keyn mükafat alacaq
Virtz "Bayer"də qalır
"Barselona"nın Lamin Yamal qərarı
Klopp: "Liverpul"un çempion olacağına inanmıram"
Arda "Real"da qalır, ya gedir? - Ançelotti açıqladı
Useyn Bolt Kilian Mbappe ilə yarışmaq istəyir
Konte "Napoli"yə "hə" dedi
PFL hakim təyinatlarını açıqladı
"Lester" Premyer Liqaya qayıdır
Canni İnfantino "Qarabağ"ı təbrik etdi
Arda Gülerin "Real"a qələbə qazandıran qolu - Video
"Traktor" 1/4 finalda
"Real"dan qələbə
Şahruddin "Qalatasaray"a qarşı belə oynadı - Video
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq