18:45
“Mən həmişə “altılıq” sisteminin əleyhinə olmuşam. Bu sistem bir vaxtlar rəqabət üçün lazım ola bilərdi. Ancaq indi bunun mənfi cəhətləri müsbət cəhtlərdən çoxdur. Birdən-birə altı komandanın oyunlara həvəsinin azalması yaxşı hal deyil. İkinci “altılıq”da yarışan komandalarda bu baş verir. Çünki onların oyunları maraqsız və əhəmiyyətsizdir”.
Qol.Az saytına açıqlamasında bu sözləri milli komandamızın sabiq baş məşçisi Şahin Diniyev AFFA-nın İcraiyyə Komitəsinin bugünkü iclasında Premyer Liqada “altılıq” sisteminin ləğv edilməsi haqda qərar verməsinə münasibət bildirərkən deyib.
O, yeni qərara görə çempionatın dörd dövrədən ibarət olacağını müsbət qarşılayıb: “Komandaların dörd dövrədə mübarizə aparmasının lazım olduğunu əvvəldən demişdim. Bu, çempionatı daha maraqlı edəcək. Futbolçular daha çox oyun keçirəcək. Bizim oyunçulara indiki vaxtda çox oynamaq lazımdır. Avropa ölkələri də bu sistemlə oynayır və onların inkişafı göz qabağındadır. Ancaq hər hansı bir sistem stabil olmalıdır. Tez-tez bunu dəyişmək futbolumuza pis təsir edə bilər. Komandaların planlarını poza bilər. Arzu edirəm ki, bu sistem uzunömürlü olsun. Komandaların sayı artıb, dövrələrin sayı azalsa da, pis olmazdı. Ancaq on komanda ilə dörddövrəli sistem də yaxşıdır. Bundan sonra komandalar çempionatın sonuna qədər ümidlə mübarizə aparacaq”.
Ş. Diniyev komandaların sayının 10-na endirilməsinin əleyhinə olduğunu bildirib: “Bu qərar yaxşı vaxtda verilmədi. Bunun üçün iki-üç il əvvəldən tədbir görmək lazım idi. Bu gün turnir cədvəlinin sonuncu pilləsində “Turan” və “Kəpəz” yerləşib. Birdən-birə bu komandaları çempionatdan uzaqlaşdırmaq düzgün deyil. Ona görə də yenə deyirəm, stabil sistem olmalıdır ki, komandalar işini bilsin. Klub rəhbərliyi əvvəldən bilməlidir ki, nəyə hazırlaşmalıdır. “Kəpəz” və “Turan” çempionatı tərk etsə, bu ürəkağrıdıcı olar. Ancaq bəlkə də bu, “Kəpəz”in dərs alması üçün yaxşıdır. Bu regionlarda futbol həmişə olub. Gəncə, Tovuz, Sumqayıt kimi şəhərlər futbolçu istehsal edən “fabrik”dir. Bu regionlarda futbolun olmaması bizim ziyanımıza olacaq”.
Təcrübəli baş məşqçi Azərbaycan Superkubokunun bərpa olunmasına da münasibət bildirib: “Hər bir futbol ölkəsində güclü rəqabət var. Superkubokun yenidən bərpa edilməsi də futbolumuzda rəqabəti artıracaq. Çempionata rəngarənglik qatacaq”.
Ağstafadakı bərabərlik - Video
"Milan" ayrılığı açıqladı
"Real" Endriki icarəyə verdi
"Mançester Yunayted"in 7 hədəfi
İlin ən yaxşısı seçildi
Göygöldəki 7 qol - Video
"Milan" 18 yaşlı hücumçu transfer etdi
Stankoviçin təyinatı açıqlandı
2-ci liqada ilin son oyunları keçirildi
“Zəfər” Liqasında qalib müəyyənləşdi
"Qarabağ" seneqallı hücumçu üçün təklif göndərib
"Neftçi"də səbrlə gözləmək adəti yoxdur" - Qriqorçuk
