19.12.25
“Qarabağ”ın albaniyalı müdafiəçisi Ansi Aqollinin Qol.Az saytının Türkiyəyə ezam olunmuş xüsusi müxbirinə müsahibəsi
- 2012-ci ilin son bir neçə oyununu almacıq sümüyündən əməliyyat olunduğundan üzünə maska taxaraq keçirdin. Amma deyəsən, indi bu problemin aradan qalxıb.
- Doğrudur. Hazırda oyunlara maskasız çıxıram.
- Qış fasiləsindən sonra hazırkı durumun səni razı salır?
- Qane edir. Antalyada güclü hazırlıq prosesi keçirik. Məqsədimiz çempionatın oyunlarına güclü hazırlaşmaq və yüksək yerlər tutmaqdır.
- “Qarabağ” nə vaxt çempion olacaq?
- Mən üç ildən çoxdur Azərbaycanda oynayıram. Amma hələ ki, çempionluğu qazanmamışam. Əlimdə olsaydı, “Qarabağ”ın bu dəqiqə çempion edərdim. Azərbaycan Premyer Liqası çox ağır keçir. Hər oyuna final matçı kimi çıxırıq.
- Ötən il çempionatın bombardiri Bahadır Nəsimov haqda danışarkən onu güclü hücumçu saymadığını demişdin. Bəs, “Neftçi”nin digər hücumçusu olan Nikolas Kanales haqda fikrin necədir?
- Bahadırla bağlı fikrimi media çox şişirtdi. “Neftçi” yaxşı komandadır, orada zəif futbolçular çıxış edə bilməz. Kanales səviyyəli hücumçu olsa da, “Qarabağ”a qarşı oynaya bilmir.
- “Qarabağ”ın güclü müdafiə xəttinə görə?
- Söhbət ümumilikdə komandamızın oyunundan gedir. Biz “Neftçi” ilə bu mövsüm keçirdiyimiz hər iki oyunda qalib gəlmişik. Kanalesə isə oynamağa imkan verməmişik. Baş məşqçimizin doğru taktikası sayəsində “Neftçi”nin qarşısını almışıq. Amma bu o demək deyil ki, “Neftçi” pis komandadır. Əksinə ən yaxşı komandalardan biridir.
- “Neftçi”nin baş məşqçisi Böyükağa Hacıyev isə deyir ki, sizinlə təkqapı oynayıblar. O, “Qarabağ”ı özlərinə rəqib bilmir.
- Son matçımızda onlara qalib gəldik. Müdafiədə ona görə oynadıq ki, üç gün əvvəl “Kəpəz”lə qarşılaşmışdıq, yorğun idik. “Neftçi” isə istirahət etmişdi. Futbol topla oynanır. Ola bilər ki, bütün doxsan dəqiqə topa nəzarət edəsən, amma uduzasan. “Neftçi”nin Azərbaycanda rəqibi olmaması haqda fikrə gəlincə, buna şərh verməyəcəyəm.
- Zaman-zaman sənin “Qarabağ”dan başqa komandaya keçəcəyin haqda xəbərlər yayılırdı. Ağdam klubunu tərk etmək fikrinə düşmüsənmi?
- Mənim bu klubla hələ iyun ayına qədər müqaviləm var. Mən albaniyalı olsam da, “Qarabağ”ı öz evim kimi bilirəm. “Qarabağ”ı tərk etmək öz evini tərk etmək kimi olardı. Mən istəyirəm, “Qarabağ”da daha uzun müddətə qalım. Amma mənimlə müqavilənin uzadılıb-uzadılmaması baş məşqçi və klub rəhbərliyinin qərarından asılıdır.
PSV-dən yeni rekord
PSJ-dən rekord göstərici
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
Premyer Liqada ayın qolunun qalibi mükafatlandırıldı
Bundesliqa futbolçusu İngiltərə klublarının hədəfində
"Daha çox qol vurmalı idik" - Yuri Vernidub
Xabi Alonso: "Nəticələr mövsümün sonunda məlum olacaq"
FİFA "Əl-Nəsr"ə transfer qadağası qoydu
"Zirə" - "İmişli": Heyətlər
"Yuventus"dan "Arsenal"a rədd cavabı
"Borussiya" Adeyemini cərimələdi
Luis Enrike: "Parisdəki hər kəs mənə təşəkkür edir"
“Qarabağ”a ikinci rəsmi transfer təklifi
"Karvan-Yevlax" - "Neftçi": Heyətlər
