03.02.26
“Bakı” klubunun müdafiəçisi Şəhriyar Əliyevin Qol.Az saytına müsahibəsi
- Komandanın birinci dövrədəki çıxışını necə dəyərləndirərdin?
- Bilirsiniz, çox vacib qarşılaşmalarda heç nədən lazımlı xallar itirdik. Bir az bəxtimiz gətirmədisə, digər tərəfdən təhlükəli vəziyyətləri qola çevirə bilmədik. Bu isə hücumçumuzun olmamasıyla əlaqədardı. Yaxşı vuran ayağımız olsaydı, daha yaxşı pillələrdə qərarlaşardıq. Lakin indi də heç də gec deyil. Qarşıda bizi beş oyun gözləyir. Bu qarşılaşmalardan maksimum nəticə ilə ayrıla bilsək, hər şey bizim üçün yaxşı olacaq.
- Səncə, bu nə dərəcədə realdır? Sizi AZAL, “Simurq” kimi çətin komandalarla oyunlar gözləyir...
- Biz bu görüşlərin məsuliyyətini yaxşı anlayırıq. Biz az komandanı gücləndirə bilsək, vəzifəmizin öhdəsindən gələ biləcəyik. Belə götürəndə, biz də, zəif komanda deyilik. Qış fasiləsinə qədər ən az məğlub olan komandalardan biri də bizik. Sadəcə, fasilədə güclənməyə ehtiyacımız var.
- "Bakı"da hansı mövqelərin güclənməsinə ehtiyac olduğunu düşünürsən?
- Düzdü, bu mənim işim deyil. Lakin mən “Bakı”ya ürəkdən bağlı bir futbolçuyam. Bu klubun acısına üzülür, uğruna çox sevinirəm. Fikrimcə, bizim ən böyük problemimiz hücumçuyla bağlıdır. Çünki oyunlarda da görürdünüz ki, hücumlar, təhlükəli vəziyyətlərimiz çox olsa da, son nöqtəni qoyan forvardımız yox idi. Əgər belə bir futbolçumuz olsaydı, indi liderlər qrupunda da qərarlaşardıq.
- Yəni, sözlərindən belə çıxır ki, “Bakı” bu pilləyə layiq deyil?
- Əlbəttə ki, layiq deyil. Biz “Bakı” klubu olaraq hər zaman yüksək yerlər uğrunda mübarizə aparmışıq. Çünki buna potensialımız imkan verir. Həm də rəhbərliyin bizə yaratdığı gözəl şəraitin qarşılığında hələ biz futbolçular bir şey edə bilməmişik. Zeynal müəllim komandanın yüksəklərdə olması üçün gecə-gündüz çalışır. Ancaq "qara zolağ"a düşməyimiz də işlərimizi çətinə saldı.
- Necə düşünürsən, Avrokuboklara vəsiqə qazanmaq kubok oyunlarından daha real görünmür?
- Düzdü, ötən mövsümdə də, Avrokuboklara vəsiqəni kuboku götürməklə qazanmışdıq. Elə bu ildə buna daha iddialıyıq. Lakin rəhbərlik qarşımıza hər iki cəbhədə maksimum nəticə qazanmağı məqsəd qoyub. Hər ikisi üçün mübarizə aparmalıyıq ki, sonda birini qazana bilək.
- Qış transfer pəncərəsi açıldıqdan sonra bir çox həmkarlarına yerli və əcnəbi klublardan təkliflər gəlir. Sənə necə təkliflər gəlib?
- Düzünü deyim ki, qulağıma səslər gəlir. Eşitmişəm ki, bir neçə klub məni komandasında görmək istəyir. Lakin mən hələ heç bir klub haqda düşünmürəm. Çünki bütün fikrimi mənə əziz olan, bu yerə çatmağımda əvəzsiz rol oynayan “Bakı” komandasına yönəltmişəm. Mənim bu komandaya borcum çoxdur. Əlimdən gələni edəcəyəm ki, bu mövsüm yüksək yerlərdən birini tutaq. Oyunuma gəlincə isə bunu sizlər daha yaxşı qiymətləndirə bilərsiniz. Çox çalışıram ki, gündən-günə artırım. Yəqin ki, əziyyətimin bəhrəsini görəcəyəm.
Əli HƏYATİ
Şamaxıda vurulan 6 qol - Video
"Qarabağ"ın prezidenti "Neftçi"yə təşəkkür etdi
"C Liqasına qayıdacağımıza inanıram” - Ayxan Abbasov
Benzemaya görə matçlara çıxa bilməyəcəklər
UEFA Millətlər Liqasının püşkü atıldı
"Atalanta"nın futbolçusu sıradan çıxdı
Millimizin rəqibləri bəlli oldu - Millətlər Liqası
"Qarabağ" – "Nyukasl" matçına nə qədər bilet satılıb?
"Neftçi" - "Qarabağ" oyunu təxirə salındı
“Zirə” millinin üzvünü heyətinə qatdı - Rəsmi
Məşhur məşqçi oyun zamanı huşunu itirdi
UEFA-dan avrokuboklara qatıla bilməyən klublara böyük dəstək
Balotelli yeni klubunda irqçi təhqirlərə məruz qaldı
1-ci liqada 14-cü turun ilk matçları baş tutdu
"Fənərbaxça"nın rəqibi 3-cü dəfə baş məşqçisini qovdu
Messiyə görə matç təxirə salındı
"Real"da ciddi itkilər var
Ayın ən yaxşı qolunun müəllifi mükafatlandırıldı
"Sumqayıt" hücumçu transfer etdi
Millimiz Rusiya, Özbəkistan və Belarusla eyni turnirdə
Levandovski qərarını verdi
"Liverpul" üçün şok: O da zədələndi
Postekoqlu od püskürdü
