29.05.26
“Neftçi” klubunun yarımmüdafiəçisi Cavid İmamverdiyevin Qol.Az saytına müsahibəsi
- Berti Foqts xeyli vaxtdan sonra səni milli komandaya çağırdı. Bu dəvət sənin üçün gözlənilməz olmadı?
- Düzü, təəccüblənmədim. Çünki bu təklifi ondan çoxdan gözləyirdim. Dəvətə görə çox şad oldum.
- Amma sonradan zədə səbəbindən heyətdən kınərlaşdırıldın.
- Bəli. Ayağımda yüngül zədə var. Bu barədə baş məşqçiyə xəbər vermişdim. Foqtsda mənə azad olduğumu bildirdi. Əslində sonradan zədənin ciddi olmadığı üzə çıxdı. Amma nə vaxtsa mütləq əməliyyat olmalıdır. Yəni indi oynaya bilərəm. Məşqlərdə də ağrı olmadığını görüb çox sevindim.
- Bəs, bu haqda Berti Foqtsa məlumat vermədin?
- Ona hər şeyi tərcüməçisi vasitəsiylə ona çatdırdım. Lakin mənə dedi ki, azadsan, gedə bilərsən. Bundan sonra Foqtsun tərcüməçisindən bir daha onun yanına getməyi xahiş etdim. Bildirdim ki, millidə məşq edə bilərəm və özümü yaxşı hiss edirəm. Hər şey qaydasındadır. Onun cavabı isə yenə dəyişmədi.
- Almaniyalı mütəxəssisin bu addımını necə qarşıladın?
- Əlbəttə ki, çox pis oldum. Hətta milli komandanın bazasından geri dönərkən hisslərimə hakim ola bilmədim. Berti Foqtsun cavabından sonra ağladım. Çünki neçə vaxt idi ki, mən milliyə düşmək üçün əlimdən gələni edirdim. Millidə oynamaq mənim ən böyük arzularımdan biri idi.
- Baş məşqçinin qərarından sonra milli haqda fikirlərin dəyişməyib?
- Bir şeyi daha yaxşı anladım. Bildim ki, konkret olaraq azərbaycanlı gənc futbolçulara hörmət yoxdur. Bəziləri yerli, gənc, gələcəyin futbolçularına necə dəstək olmağı bilmirlər. Mənə qarşı elə hərəkət etdilər ki, sabah ciddi zədəm olsa belə, bunu gizlətməyə məcbur olacağam. Çünki fikirləşəcəyəm ki, yenə məni millidən kənarda tutacaqlar. Oyun zamanı bilinəndə də deyəcəklər ki, niyə zədəni demirdin. Axı, hazırda mənim ciddi zədəm yoxdur. Milliyə xeyir verə bilərdim. Mən özüm-özümə fikirləşdim ki, kiçik zədəmin Foqtsa deməklə çox səhv etmişəm. Berti Foqts mənə şans verməlidir. Çünki mənim “Neftçi”dəki oyunumu yaxşı görüb. Lakin o deyib ki, Cavid gəlsə, gərək komandanın taktikasını dəyişim. Məgər Messiyəm ki, bütün oyunu mənim üzərimdə qursun? Mən də digər futbolçular kimi verdiyi tapşırıqları yerinə yetirməyə çalışacağam.
Əli HƏYATİ
"Şamaxı" onu da göndərdi
UEFA Superkubokunda onlar qarşılaşacaqlar
PSJ yenə çempionlar çempionudur!
Onların qolları 8 illik həsrətə son qoydu
Zədəsinə görə mundialı buraxacaq
"Arsenal"dan final antirekordu
"Barselona"dakı gələcəyi bəlli oldu
Haverts Çempionlar Liqası tarixinə düşdü
ABŞ millisinin kapitanı oldu
Kuboka qədər milyonlar qazandılar
PSJ - "Arsenal": Heyətlər açıqlandı
"Real"dan Vinisiusa qarşı sərt mövqe
"Oğlum futbol oynamaq istəmir"
Çempionlar Liqasının finalından öncə kütləvi dava - Video
Aparıcı klubların hədəfinə düşdü
Azərbaycan millisi Fransaya qalib gələrək qrup lideri oldu
"Liverpul" Arne Slotla yolları ayırdı
Azər Bağırov "Kəpəz"dən getdi - Rəsmi
"Şamaxı"dan ayrılanların sayı 12-yə çatdı
Azərbaycan millisinin növbəti məşqi - Şəkillər
