29.05.26
“Qəbələ” klubunun yarımmüdafiəçisi Rövşən Əmiraslanovun Qol. Az saytına müsahibəsi
- Premyer Liqanın VIII turunda səfərdə “Bakı”yla 1:1 hesabıyla bərabərə qaldığınız oyun haqda fikirlərin necədir?
- Bu görüşə ciddi hazırlaşmışdıq. Bilirdik ki, çox çətin olacaq. Çünki “Bakı”nın heyəti səviyyəli legionerlər az deyil. Bizdə yeni baş məşqçinin gəlişiylə komanda yoldaşlarımın əhval-ruhiyyəsi çox yüksək idi. Bilirdik ki, ən azı məğlub olmayacağıq. Sözsüz ki, Bakıya üç xal üçün gəlmişdik. Lakin düşünürəm ki, hazırkı durumda bir xal da normaldır.
- Matçın 14-cü dəqiqəsində Viktor Mendinin qolu sayəsində önə keçsəniz də, hesabı qoruya bilmədiniz. Buna səbəb nə idi?
- Komanda oyuna yaxşı başlamışdı. Xüsusən də ilk hissədə rəqibi sıxışdırmışdıq. Demək olar ki, “Bakı”ya oynamaq imkanı vermədik. Hesabı qoruya bilməməyimizə gəlincə, buna fiziki cəhətdən axsamamız səbəb oldu.
- Qarşılaşmanın 43-cü dəqiqəsində ikinci sarı vərəqə alaraq komandanı çətin vəziyyətdə qoydun.
- Mənim fikrimcə, adi eppizodlara görə sarı vərəqə vermək düzgün deyil. Sadəcə, hər iki futbolçu top uğrunda mübarizə aparırdı. Yəni mən rəqibə bilərəkdən zərbə endirmədim. Bəlkə də, birinci sarı vərəqəni haqlı saymaq olardı. Lakin ikinci sarı vərəqə düz deyildi.
- Sözlərindən belə çıxır ki, baş hakim Anar Salmanovun idarəçiliyindən narazı qalmısan.
- Anar Salmanovdan tam olaraq narazı qalmamışam. Oyunu normal səviyyədə idarə etdi. Lakin “Bakı”ya simpatiyası da hiss olunurdu. Düşünürəm ki, ikinci sarı vərəqəni göstərməyə də bilərdi. Ən azı xəbərdalıq edərək bağışlamaq olardı.
- Qırmızı vərəqə alaraq meydanı tərk etdikdən sonra komandan qapısında qol gördü. Xal itirdiyinizə görə özünü günahkar hesab edirsən?
- Bəli. Soyunub-geyinmə otağında da qanım qaralmışdı. Ən azı daha diqqətli və səbirli olmalıydım. Lakin istənilən halda komanda yoldaşlarıma öz təşəkkürümü bildirirəm ki, mənim yoxluğumu o qədər də hiss etdirmədilər. Oyundan sonra baş məşqçimiz Ramiz Məmmədov və komanda yoldaşlarım mənə təskinlik verdilər.
Əli HƏYATİ
"Şamaxı" onu da göndərdi
UEFA Superkubokunda onlar qarşılaşacaqlar
PSJ yenə çempionlar çempionudur!
Onların qolları 8 illik həsrətə son qoydu
Zədəsinə görə mundialı buraxacaq
"Arsenal"dan final antirekordu
"Barselona"dakı gələcəyi bəlli oldu
Haverts Çempionlar Liqası tarixinə düşdü
ABŞ millisinin kapitanı oldu
Kuboka qədər milyonlar qazandılar
PSJ - "Arsenal": Heyətlər açıqlandı
"Real"dan Vinisiusa qarşı sərt mövqe
"Oğlum futbol oynamaq istəmir"
Çempionlar Liqasının finalından öncə kütləvi dava - Video
Aparıcı klubların hədəfinə düşdü
Azərbaycan millisi Fransaya qalib gələrək qrup lideri oldu
"Liverpul" Arne Slotla yolları ayırdı
Azər Bağırov "Kəpəz"dən getdi - Rəsmi
"Şamaxı"dan ayrılanların sayı 12-yə çatdı
