07.04.26
“Kəpəz”in “Qarabağ”dan icarəyə götürdüyü Emin İmaməliyev Qol.Az saytına müsahibəsində “Qəbələ” üzərindəki son qələbədən və “Qarabağ”da baş verənlərdən danışıb.
- Çoxları “Qəbələ” ilə oyunda rəqibi favorit sayırdı, amma siz qalib gəldiniz...
- Bilirdik ki, ağır oyun olacaq. Ona görə də oyuna çox ciddi hazırlaşmışdıq. Həm də doğma azarkeşlər önündə oynadığımızdan məğlubiyyıəti ağlımızdan belə keçirmirdik. Məncə, layiqli oynadıq və qələbəyə layiq idik.
- Uzun müddət idi ki, səni yaşıl meydançalardan görmürdük. “Qarabağ”da demək olar, oynamaq şansı qazanmırdın. Ancaq “Kəpəz”də Mahmud Qurbanov ilk oyundaca səni 90 dəqiqə oynatdı. Oyun praktikası baxımından əziyyət çəkmədin?
- Yox, heç bir çətinlik olmadı. Əksinə, sanki çoxdan idi oynayırdım.
- Bu arada “Qarabağ”dan “Kəpəz”ə keçidin necə baş verdi?
- Açığı, oynamaq istəyirdim. Elə oldu ki, Mahmud Qurbanov məni “Kəpəz”ə dəvət etdi. Mən də gedib “Qarabağ” rəhbərliyi ilə danışdım, sağ olsunlar, problem yaratmadılar. Mövsümün sonuna kimi icarə əsasında Gəncədə oynayacağam.
- Komandanın potensialı nəyə imkan verir?
- Belə götürəndə komanda ötən mövsümlə müqayisədə çox dəyişib. Hazırkı komandada 2-3 təcrübəli futbolçu var. Məsələn Azər Məmmədov, mən, Fetuçini. Qalanları hamısı 19-20-21 yaşlı gənclərdi. Onların da tam olaraq, bir-birinə uyğunlaşması, təcrübə toplaması üçün zamana ehtiyacları var.
- Növbəti turda səfərdə turnir cədvəlində ikinci pillədə qərarlaşan “Simurq”la üz-üzə gəlirsiniz. Səncə, səfərdən qələbə ilə dönə bilərsiniz?
- Çalışacağıq ki, “Qəbələ” üzərindəki uğurun davamını Zaqatalada da davam etdirək. Çoxları “Simurq”u sürpriz komanda adlandırır, amma mən deyərdim ki, onlar sürpriz deyil. “Simurq” hər il yaxşı futbol göstərir. Amma biz heç kimdən qorxmuruq, çəkinmirik.
- “Qarabağ”ın AZAL-a 2:6 hesablı məğlubiyyətini yəqin ki, sən də gözləmirdin.
- Heç cürə gözləmirdim. Həmin günü Gəncədən Bakıya qayıtdığımdan oyuna baxa bilmədim. Ancaq hesab doğrudan da gözlənilməz oldu. Çünki “Qarabağ” elə komandadır ki, hamı onlardan çəkinir. Belə bir komandanın bu cür hesabla uduzması... Nə bilim, futboldu, olur.
- Qurban Qurbanovun istefa istəyinə münasibətin necədir?
- Bir oyuna görə istefa vermək lazım deyil. Mənim fikrimcə, bu, düzgün addım deyil. Həm də yaddan çıxartmayaq ki, “Qarabağ”ın son illər qazandığı uğurlar məhz Qurban müəllimin adı ilə bağlıdır.
Anar XANLAROV
Arne Slotdan etiraf
20 il sonra “Kamp Nou”da
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
Daha az maaşla klubunda qaldı
"Millini çalışdırmaq istəsə, onu dəstəkləyərdim"
“Bakı Sportinq” və “Cəbrayıl” tura qələbə ilə başladı
14 illik həsrət bitdi
Azərbaycan millisinin İspaniyadakı ilk məşqindən - Şəkillər
Matçın ən yaxşısı seçilən 40 yaşlı Noyerdən açıqlama
Daha 4 il üçün federasiya prezidenti seçildi
Növbəti mövsüm ÇL-də İngiltərənin 5 klubu iştirak edəcək
"Barselona" bu hücumçunu satacaq
"Marsel"in baş məşqçisinin evi qarət olundu
"Qarabağ"da iclas keçirildi - Şəkillər
Çempionlar Liqasında rekord qırdı
Avrokubokların oyunlarını yayımlayacaq kanallar
Son 4 mövsümün ən böyük hesabı
Azərbaycan çempionatlarının 21-ci əsrdəki rekordu yeniləndi
Azərbaycandakı amerikalıların 10-cu het-triki
Bəxtiyar Həsənalızadə: “Qələbədən başqa yolumuz yoxdur”
Arbeloa: "Münhendə "Real" qalib gələcək"
65 il sonra qayıtdılar
